‘विदेशीबाट पालित हुँडारहरुबाट नेकपा एमालेमाथि चौतर्फी हमला’
न्युजभित्तो/२९ फाल्गुन २०७९, सोमबार २१:४८
माडी २९ फागुन । नेकपा एमालेका पोलिट व्युरो सदस्य एवम् पुर्व सूचना तथा सञ्चारमन्त्री गोकुल बास्कोटाले अहिले देशमा विदेशीबाट पालित हुँडारहरुले नेकपा एमालेमाथि चौतर्फी हमला गरिरहेको जानकारी दिनुभयो ।
नेकपा एमालेको ग्रासरुट अभियान अन्तरगत सोमबार माडी नगरपालिका वडा नं ८ मा आयोजित कार्यक्रममा बोल्दै पोलिट व्युरो सदस्य बास्कोटाले विदेशीको इसारामा जस्ले जति हमाला गरेपनि नेकपा एमालेले देशभक्त जनता रहेसम्म चन्द्र सूर्य अंकित झण्डालाई झुक्न नदिने बताउनुभयो ।
नेकपा एमाले माडी ८ ले आयोजना गरेको अन्तरक्रिया कार्यक्रमका प्रमुख अतिथि बास्कोटाले वर्तमान प्रधानमन्त्री प्रचण्ड माडीबाट निर्वाचित भएर सत्तामा पुगेपनि माडीलाई मणि बनाउने विषयमा कुनै काम गर्न नसकेको बताउनुभयाे ।
कार्यक्रममा माडी ८ का २२ जना पुराना सेल्टरदाता र संगठनकर्ताहरुलाई सम्मान गरिएको थियो । सम्मानले समाजको लागि थप काम गर्ने हौसला मिलेको सम्मानित व्यक्तिहरुले बताएका थिए ।
नेकपा एमाले माडी ८ का अध्यक्ष तिलक गायकको अध्यक्षतामा सम्पन्न कार्यक्रममा माडी नगरपालिकाकी नगर प्रमुख ताराकाजी महत्तो, एमाले नेताहरु अञ्जन तिमिल्सिना, राजाराम रेग्मी, माडी नगर ईञ्चार्ज शिवहरी सुवेदी, अध्यक्ष नारायण अधिकारी, सचिव श्रीप्रसाद दवाडी लगायतले वर्तमान समसामयिक राजनीति र नेकपा एमालेको संगठन विस्तारको विषयमा मन्तव्य राख्नुभएको थियो ।
नेकपा एमालेको ग्रासरुट अभियानको लागि माडी आउनुभएका बास्कोटा आज माडी ९ का प्याउली, चेपाङ बस्तीलगायका स्थानहरुमा पुगेर अन्तरक्रिया गर्नुभएको थियो भने बुधवारसम्म माडीका विभिन्न कार्यक्रमहरुमा सहभागी हुने नेकपा एमालेका माडी नगर सचिव श्रीप्रसाद दवाडीले जानकारी दिनुभयो ।
माडी २९ फागुन । नेकपा एमालेका पोलिट व्युरो सदस्य एवम् पुर्व सूचना तथा सञ्चारमन्त्री गोकुल बास्कोटाले अहिले देशमा विदेशीबाट पालित हुँडारहरुले नेकपा एमालेमाथि चौतर्फी हमला गरिरहेको जानकारी दिनुभयो ।
नेकपा एमालेको ग्रासरुट अभियान अन्तरगत सोमबार माडी नगरपालिका वडा नं ८ मा आयोजित कार्यक्रममा बोल्दै पोलिट व्युरो सदस्य बास्कोटाले विदेशीको इसारामा जस्ले जति हमाला गरेपनि नेकपा एमालेले देशभक्त जनता रहेसम्म चन्द्र सूर्य अंकित झण्डालाई झुक्न नदिने बताउनुभयो ।
नेकपा एमाले माडी ८ ले आयोजना गरेको अन्तरक्रिया कार्यक्रमका प्रमुख अतिथि बास्कोटाले वर्तमान प्रधानमन्त्री प्रचण्ड माडीबाट निर्वाचित भएर सत्तामा पुगेपनि माडीलाई मणि बनाउने विषयमा कुनै काम गर्न नसकेको बताउनुभयाे ।
कार्यक्रममा माडी ८ का २२ जना पुराना सेल्टरदाता र संगठनकर्ताहरुलाई सम्मान गरिएको थियो । सम्मानले समाजको लागि थप काम गर्ने हौसला मिलेको सम्मानित व्यक्तिहरुले बताएका थिए ।
नेकपा एमाले माडी ८ का अध्यक्ष तिलक गायकको अध्यक्षतामा सम्पन्न कार्यक्रममा माडी नगरपालिकाकी नगर प्रमुख ताराकाजी महत्तो, एमाले नेताहरु अञ्जन तिमिल्सिना, राजाराम रेग्मी, माडी नगर ईञ्चार्ज शिवहरी सुवेदी, अध्यक्ष नारायण अधिकारी, सचिव श्रीप्रसाद दवाडी लगायतले वर्तमान समसामयिक राजनीति र नेकपा एमालेको संगठन विस्तारको विषयमा मन्तव्य राख्नुभएको थियो ।
नेकपा एमालेको ग्रासरुट अभियानको लागि माडी आउनुभएका बास्कोटा आज माडी ९ का प्याउली, चेपाङ बस्तीलगायका स्थानहरुमा पुगेर अन्तरक्रिया गर्नुभएको थियो भने बुधवारसम्म माडीका विभिन्न कार्यक्रमहरुमा सहभागी हुने नेकपा एमालेका माडी नगर सचिव श्रीप्रसाद दवाडीले जानकारी दिनुभयो ।