रविका समर्थकद्वारा चितवनमा प्रदर्शन

चितवन, १४ माघ । चितवन क्षेत्र नं. २ बाट जितेका रवि लामिछानको समर्थनमा भरतपुरमा आज शनिबार प्रदर्शन भएको छ । रास्वपा चितवनको अगुवाईमा भरतपुरमा मोटरसाइकल र्‍याली निकालिनुको साथै प्रदर्शन भएको हो ।

भरतपुरको विशाल चोकबाट निस्किएको र्‍याली बाइपास सडक खण्ड हुँदै बसपार्क, चौविसकोठी, नारायणगढको पुलचोक हुँदै मेनरोड र आपटारी हुँदै पुनः विशाल चोकमा पुगेर समापन भएको छ ।

पार्टीका जिल्ला सचिव कृष्ण भुषालले रविको समर्थनमा शान्तिपूर्वक र्‍याली निकालिएको बताए । रवि लामिछानेलाई सुनियोजित रुपमा फसाइएको आरोप र्‍यालीका सभागीहरुले लगाएका थिए ।