प्रधानमन्त्रीले विश्वासको मत पाएपछि गृहमन्त्री लामिछाने चितवन आउने

चितवन, २६ पुस । प्रधानमन्त्री पुष्पकमल दाहाल ‘प्रचण्ड’ले आज विश्वासको मत लिँदै छन् । उपप्रधान तथा गृहमन्त्री रवि लामिछानेले प्रधानमन्त्रीले विश्वासको मत लिएपछि आफ्नो निर्वाचन क्षेत्र चितवन आउने बताएका छन् । सञ्चारकर्मीसँग कुराकानी गर्दै गृहमन्त्री लामिछानेले राजनीतिक र सरकारका विभिन्न अत्यावश्यक कामका कारण चितवन आउन नभ्याएको बताए ।

प्रधानमन्त्रीले विश्वासको मत लिएको एक÷दुई दिनमै चितवनमै आएर मतदातालाई धन्यवाद दिने र भइरहेका काममा सहयोग गर्ने उनले बताए । केहि औपचारीक कार्यक्रममा पनि सहभागी हुने उनको तयारी छ । सोमबार प्रतिनिधि सभाको बैठकमा बोल्ने क्रममा पनि उनले रोष्ट्रमबाटै चितवनका मतदातालाई धन्यवाद दिएका थिए ।