जनमत पार्टीको भागमा उद्योग मन्त्रालय, उपाध्यक्ष अब्दुल खान मन्त्री बन्ने

काठमाडौँ,११ पुस । अन्ततः सिके राउत नेतृत्वको जनमत पार्टी सरकारमा सहभागि हुने भएको छ । जनमत पार्टीले उद्योग बाणिज्य तथा आपूर्ति मन्त्रालय लिने सहमति भएको हो । संसद भवन, बानेश्वरमा सोमबार बसेको सत्ता साझेदार दलहरुका शीर्ष नेताहरुको बैठकमा जनमत पार्टीले यो मन्त्रालय लिने सहमति भएको स्रोतले बताएको छ । यससंगै पार्टीका उपाध्यक्ष अब्दुल खान मन्त्री बन्ने पक्का भएको छ । राउत आफू सरकारमा नगई उपाध्यक्ष खानलाई पठाउन लागेका हुन् । अध्यक्ष राउतले सांसदको रुपमा धेरै काम गर्न नसकिने भएकाले सरकारमा जान लागेको बताएका छन् ।