चितवनमा लज्जास्पद नतिजा आउनुमा केन्द्रको दोष छ : नेता पौडेल

चितवन,१५ मंसिर ।   नेपाली कांग्रेसका वरिष्ठ नेता रामचन्द्र पौडेलले प्रतिनिधि सभा तथा प्रदेश सभा सदस्यको निर्वाचनमा चितवनको लज्जास्पद नतिजा आउनुको पछाडि केन्द्र दोषी रहेको बताएका छन् ।

कांग्रेसको केन्द्रीय समितिले सहि तरिकाबाट टिकट वितरण नगर्दा चितवनको नतिजा दुख आएको उनले बताए । आज (बिहीबार) कार्यकर्ता भेटघाटका क्रममा चितवन आईपुगेका नेता पौडेलले चितवन कांग्रेसमाथी केन्द्रले सधै थिचोमिचो गरिरहेको समेत जिकिर गरे ।

उनले गत मंसिर ४ गते सम्पन्न प्रतिनिधि सभा तथा प्रदेश सभा सदस्य निर्वाचनको सबै मतपरिणाम आइसकेपछि मात्रै गठ्बन्धनको सरकार बन्नेमा आफू विश्वस्त रहेको बताए । ‘गठबन्धन कै सरकार बन्छ, उनले भने, ‘त्यसको नेतृत्व पनि म आफैले गर्छु । नेपालको राजनीतिमा मैले गरेको लगानी र त्यागको उच्च मुल्यांकन गर्दै देशले मेरो नेतृत्वको सरकार खोजिरहेको छ । गठबन्धनको सरकारमा अब मेरो विकल्प छैन ।फरक प्रंसगमा उनले पार्टी भित्र आत्मसमीक्षा गर्नु पर्ने समय आएको बताए । उनले अब सम्हालिन आवश्यक रहेको टिप्पणी गरे । कांग्रेस भित्र गल्तीको आत्माआलोचना गर्ने चलन नहुँदा अहिलेको अवस्था आएको नेता पौडेलको भनाइ छ ।