दुई सय भन्दा बढी विपन्न परिवारलाई राहत वितरण

चितवन,१७ जेठ । हाम्रो दृष्टि राम्रो दृष्टि नामक सामाजिक संस्थाले कोरोना भाइरसको दोस्रो संक्रमण बढेपछी लकडाउन भएदेखी सुरुवात गरेको राहत अभियान कार्यक्रम आजका दिनसम्म पनि गर्दै आएको छ।

आजका दिनसम्म आइपुग्दा संस्थाले २०० घर परिवारलाई खाधान्न वितरण गरिसकेको छ। भरतपुर महानगरपालिका अन्तर्गत वडा नम्बर १,२,६,१४,१५,१६ वडामा राहत वितरण गरेको छ।

अबका दिनमा चितवनको कालिका नगरपालिका,इच्छाकामना गाउँपालिकामा रहेका बिपन्न परिवारलाई राहत वितरण गरिने संस्थाका संस्थापक अध्यक्ष वसन्त गैरेले जानकारी दिनुभयो

आजका दिनसम्म आफ्नो राहत वितरण कार्यक्रममा सहयोग गर्ने सम्पुर्ण सहयोगी दाताहरुलाई धन्यवाद व्यक्त गर्दै आगामी दिनमा पनि संस्थालाई सहयोग गर्न संस्थाका अध्यक्ष अरुण पौडेलले बताउनुभयो।

कुनै पनि ठाउँमा गाह्रो अप्ठ्यारो परेमा संस्थालाई सम्झन भन्दै संस्था हरपल सहयोग गर्न तयार र तप्पर रहेको राहत वितरणका कार्यक्रम संयोजक तथा हाम्रो दृष्टि राम्रो दृष्टिका केन्द्रिय सह सचीव रविन देवकोटाले जानकारी दिनुभयो ।

आजको राहत कार्यक्रममा भरतपुर ०८ निवासी सामाजिक अभियान्ता पवन खनाल उपाध्यायले करिव तीन हजार बराबरको खाधान्न सहयोग संस्थालाई गर्नुभएको छ।