जनप्रतिनिधि जनताको सेवक हो, शासक होइनः स्वास्थ्य मन्त्री तामाङ
न्युजभित्तो/२४ आश्विन २०८३, शनिबार १६:३४
चितवन, २४ असोज । बागमती प्रदेश सरकारका स्वास्थ्य तथा सामाजिक विकासमन्त्री गिरबहादुर तामाङ (ज्ञानुजंग लामा) ले जनप्रतिनिधि जनताको शासक नभई सेवक भएको बताउनु भएको छ । जनताले दिएको जिम्मेवारीलाई सेवाको अवसरका रूपमा लिनुपर्नेमा जोड दिँदै उहाँले जनप्रतिनिधिहरू जनताप्रति उत्तरदायी हुनुपर्ने बताउनु भएको हो ।
भरतपुर महानगरपालिका वडा नंं ७ स्थित उज्ज्वल टोल विकास संस्थाको आयोजनामा बडादसैँ, तिहारलगायतका चाडपर्वको अवसरमा आयोजित शुभकामना आदानप्रदान कार्यक्रममा बोल्दै मन्त्री तामाङले चाडपर्व मनाउने नाममा समाजमा गलत प्रवृत्ति भित्र्याउन नहुने बताउनुभयो । नेपाली समाजको मौलिक पहिचान बोकेका परम्परा, संस्कार र संस्कृतिको संरक्षण गर्दै चाडपर्व मनाउनुपर्ने उहाँको भनाइ थियो । आधुनिकताको नाममा पुस्तौँदेखि चल्दै आएका मौलिक परम्परा र संस्कृतिलाई बिर्सन नहुनेमा उहाँले जोड दिनुभयो ।
चाडपर्वहरू केवल रमाइलो गर्ने अवसर मात्र नभई आपसी सद्भाव, भाइचारा, मेलमिलाप र सामाजिक एकता बलियो बनाउने माध्यमसमेत भएको मन्त्री तामाङले बताउनुभयो। चाडपर्व मनाउने क्रममा सामाजिक मर्यादा र पारिवारिक मूल्यमान्यतालाई ध्यान दिनुपर्ने उल्लेख गर्दै उहाँले समाजमा विद्यमान विकृति, विसङ्गति र अमानवीय प्रवृत्तिको अन्त्य गरी सभ्य, सुसंस्कृत र जिम्मेवार समाज निर्माण गर्न सबैले भूमिका खेल्नुपर्ने धारणा राख्नुभयो ।
उज्ज्वल टोल विकास संस्थाको आयोजनामा भएको कार्यक्रममा भरतपुर महानगरपालिका वडा नं. ७ का अध्यक्ष राजेन्द्रमणि काफ्लेलगायत जनप्रतिनिधि, छिमेकी टोल विकास संस्थाका अध्यक्षहरू तथा स्थानीय बासिन्दाको सहभागिता थियो ।
कार्यक्रममा सहभागीहरूले एकअर्कामा चाडपर्वको शुभकामना आदानप्रदान गर्नुका साथै आपसी सम्बन्ध, सामाजिक एकता र सद्भाव कायम राख्ने प्रतिबद्धता व्यक्त गरेका थिए । शुभकामना आदानप्रदानसँगै सांस्कृतिक कार्यक्रमसमेत आयोजना गरिएको थियो । कार्यक्रममा स्थानीय कला, संस्कृति र परम्परा झल्कने प्रस्तुति राख्दै चाडपर्वको उल्लास साटासाट गरिएको थियो ।
चितवन, २४ असोज । बागमती प्रदेश सरकारका स्वास्थ्य तथा सामाजिक विकासमन्त्री गिरबहादुर तामाङ (ज्ञानुजंग लामा) ले जनप्रतिनिधि जनताको शासक नभई सेवक भएको बताउनु भएको छ । जनताले दिएको जिम्मेवारीलाई सेवाको अवसरका रूपमा लिनुपर्नेमा जोड दिँदै उहाँले जनप्रतिनिधिहरू जनताप्रति उत्तरदायी हुनुपर्ने बताउनु भएको हो ।
भरतपुर महानगरपालिका वडा नंं ७ स्थित उज्ज्वल टोल विकास संस्थाको आयोजनामा बडादसैँ, तिहारलगायतका चाडपर्वको अवसरमा आयोजित शुभकामना आदानप्रदान कार्यक्रममा बोल्दै मन्त्री तामाङले चाडपर्व मनाउने नाममा समाजमा गलत प्रवृत्ति भित्र्याउन नहुने बताउनुभयो । नेपाली समाजको मौलिक पहिचान बोकेका परम्परा, संस्कार र संस्कृतिको संरक्षण गर्दै चाडपर्व मनाउनुपर्ने उहाँको भनाइ थियो । आधुनिकताको नाममा पुस्तौँदेखि चल्दै आएका मौलिक परम्परा र संस्कृतिलाई बिर्सन नहुनेमा उहाँले जोड दिनुभयो ।
चाडपर्वहरू केवल रमाइलो गर्ने अवसर मात्र नभई आपसी सद्भाव, भाइचारा, मेलमिलाप र सामाजिक एकता बलियो बनाउने माध्यमसमेत भएको मन्त्री तामाङले बताउनुभयो। चाडपर्व मनाउने क्रममा सामाजिक मर्यादा र पारिवारिक मूल्यमान्यतालाई ध्यान दिनुपर्ने उल्लेख गर्दै उहाँले समाजमा विद्यमान विकृति, विसङ्गति र अमानवीय प्रवृत्तिको अन्त्य गरी सभ्य, सुसंस्कृत र जिम्मेवार समाज निर्माण गर्न सबैले भूमिका खेल्नुपर्ने धारणा राख्नुभयो ।
उज्ज्वल टोल विकास संस्थाको आयोजनामा भएको कार्यक्रममा भरतपुर महानगरपालिका वडा नं. ७ का अध्यक्ष राजेन्द्रमणि काफ्लेलगायत जनप्रतिनिधि, छिमेकी टोल विकास संस्थाका अध्यक्षहरू तथा स्थानीय बासिन्दाको सहभागिता थियो ।
कार्यक्रममा सहभागीहरूले एकअर्कामा चाडपर्वको शुभकामना आदानप्रदान गर्नुका साथै आपसी सम्बन्ध, सामाजिक एकता र सद्भाव कायम राख्ने प्रतिबद्धता व्यक्त गरेका थिए । शुभकामना आदानप्रदानसँगै सांस्कृतिक कार्यक्रमसमेत आयोजना गरिएको थियो । कार्यक्रममा स्थानीय कला, संस्कृति र परम्परा झल्कने प्रस्तुति राख्दै चाडपर्वको उल्लास साटासाट गरिएको थियो ।