‘नागरिकसँग मेयर’ कार्यक्रममार्फत घरदैलोमा स्वास्थ्य सेवा
न्युजभित्तो/२१ जेष्ठ २०८३, बिहीबार १२:१६
कञ्चनपुर, २१ जेठ । कृष्णपुर नगरपालिकाले सञ्चालन गर्दै आएको ‘नागरिकसँग मेयर’ कार्यक्रममार्फत २४ हजार ७२१ नागरिकले घरदैलोमै स्वास्थ्य सेवा प्राप्त गरेका छन् ।
नगरवासीलाई सहज रूपमा स्वास्थ्य सेवा उपलब्ध गराउने तथा नसर्ने रोगबारे सचेतना फैलाउने उद्देश्यले सो कार्यक्रम सञ्चालन गरिएको नगरपालिकाको स्वास्थ्य शाखा प्रमुख वंशीराज भट्टले जानकारी दिनुभयो ।
चिकित्सकले उच्च रक्तचाप, मधुमेह, खोपको अवस्था, औषधि सेवनको नियमितता लगायतका विषयमा परीक्षण तथा परामर्श सेवा उपलब्ध गराइँदै आएको नगरप्रमुख हेमराज ओझाले बताउनुभयो ।
उहाँले एम्बुलेन्स, औषधि वितरण, तथा प्रयोगशाला सेवा कृष्णपुर स्वास्थ्य चौकीमा कार्यरत एमबीबीएस चिकित्सकबाट भइरहेको जानकारी दिनुभयो । रासस
कञ्चनपुर, २१ जेठ । कृष्णपुर नगरपालिकाले सञ्चालन गर्दै आएको ‘नागरिकसँग मेयर’ कार्यक्रममार्फत २४ हजार ७२१ नागरिकले घरदैलोमै स्वास्थ्य सेवा प्राप्त गरेका छन् ।
नगरवासीलाई सहज रूपमा स्वास्थ्य सेवा उपलब्ध गराउने तथा नसर्ने रोगबारे सचेतना फैलाउने उद्देश्यले सो कार्यक्रम सञ्चालन गरिएको नगरपालिकाको स्वास्थ्य शाखा प्रमुख वंशीराज भट्टले जानकारी दिनुभयो ।
चिकित्सकले उच्च रक्तचाप, मधुमेह, खोपको अवस्था, औषधि सेवनको नियमितता लगायतका विषयमा परीक्षण तथा परामर्श सेवा उपलब्ध गराइँदै आएको नगरप्रमुख हेमराज ओझाले बताउनुभयो ।
उहाँले एम्बुलेन्स, औषधि वितरण, तथा प्रयोगशाला सेवा कृष्णपुर स्वास्थ्य चौकीमा कार्यरत एमबीबीएस चिकित्सकबाट भइरहेको जानकारी दिनुभयो । रासस