तम्घास (गुल्मी), १७ वैशाख । सदरमुकाम तम्घासमा यही वैशाख ११ देखि गुल्मी महोत्सव सञ्चालन भइरहेको छ । महोत्सवमा सबैजसो स्टल व्यापारिक अर्थात् नाफामुलक प्रयोजनका छन् । तर सोही महोत्सवमा एक युवा, जसले फोटोमार्फत गुल्मी चिनाइरहनुभएको छ ।
गुल्मीदरबार गाउँपालिकाको चारपाला निवासी दिनेश बस्नेत सानैदेखि फोटोग्राफीमा रुचि राख्नुहुन्थ्यो । उहाँले जिल्लाका धेरै धार्मिक तथा पर्यटकीय स्थलको तस्बिर खिच्नुभएको छ । उहाँले खिच्नुभएका तस्बिर महोत्सवमा प्रदर्शनीका लागि राख्नुभएको हो ।
उहाँले महोत्सवको मञ्च अगाडि जिल्लाका विभिन्न स्थानका २० तस्बिर प्रदर्शनीमा राख्नुभएको छ । जसमा गुल्मीको नामकरण भएको गुल्मी चारपाला दरबार, जिल्लाको प्रमुख पर्यटकीयस्थल रेसुङ्गा यज्ञशाला, रेसुङ्गा टावर, रेसुङ्गा महापोखरी, रेसुङ्गाबाट देखिने हिमाल, भुवाने पार्क, तम्घास बजार, विभिन्न ठाउँबाट देखिने हिमशृङ्खला, चरचुङ्गीलगायतका तस्बिर छन् ।
सुरुसुरुमा उहाँले खिच्नुभएका तस्बिर राष्ट्रियस्तरका मिडियामा समेत आइरहेका थिए । त्यो देख्दा उहाँलाई फोटोग्राफीमा रुचि बढ्न थाल्यो र थप तस्बिर खिच्न थाल्नुभयो । अन्ततः उहाँका साथी बर्दघाटका राज अधिकारीले महोत्सवमा फोटो प्रदर्शनी गर्ने सल्लाह दिनुभयो । उहाँको सल्लाहअनुसार दिनेशले फोटोमार्फत गुल्मी चिनाइरहनुभएको छ ।
प्रदर्शनीका लागि उहाँको व्यक्तिगत ४० हजार रुपैयाँ जति खर्च भएको छ । उहाँले भन्नुभयो, “पैसाभन्दा पनि गुल्मी चिनाउने मेरो प्रमुख उद्देश्य हो ।” रासस
तम्घास (गुल्मी), १७ वैशाख । सदरमुकाम तम्घासमा यही वैशाख ११ देखि गुल्मी महोत्सव सञ्चालन भइरहेको छ । महोत्सवमा सबैजसो स्टल व्यापारिक अर्थात् नाफामुलक प्रयोजनका छन् । तर सोही महोत्सवमा एक युवा, जसले फोटोमार्फत गुल्मी चिनाइरहनुभएको छ ।
गुल्मीदरबार गाउँपालिकाको चारपाला निवासी दिनेश बस्नेत सानैदेखि फोटोग्राफीमा रुचि राख्नुहुन्थ्यो । उहाँले जिल्लाका धेरै धार्मिक तथा पर्यटकीय स्थलको तस्बिर खिच्नुभएको छ । उहाँले खिच्नुभएका तस्बिर महोत्सवमा प्रदर्शनीका लागि राख्नुभएको हो ।
उहाँले महोत्सवको मञ्च अगाडि जिल्लाका विभिन्न स्थानका २० तस्बिर प्रदर्शनीमा राख्नुभएको छ । जसमा गुल्मीको नामकरण भएको गुल्मी चारपाला दरबार, जिल्लाको प्रमुख पर्यटकीयस्थल रेसुङ्गा यज्ञशाला, रेसुङ्गा टावर, रेसुङ्गा महापोखरी, रेसुङ्गाबाट देखिने हिमाल, भुवाने पार्क, तम्घास बजार, विभिन्न ठाउँबाट देखिने हिमशृङ्खला, चरचुङ्गीलगायतका तस्बिर छन् ।
सुरुसुरुमा उहाँले खिच्नुभएका तस्बिर राष्ट्रियस्तरका मिडियामा समेत आइरहेका थिए । त्यो देख्दा उहाँलाई फोटोग्राफीमा रुचि बढ्न थाल्यो र थप तस्बिर खिच्न थाल्नुभयो । अन्ततः उहाँका साथी बर्दघाटका राज अधिकारीले महोत्सवमा फोटो प्रदर्शनी गर्ने सल्लाह दिनुभयो । उहाँको सल्लाहअनुसार दिनेशले फोटोमार्फत गुल्मी चिनाइरहनुभएको छ ।
प्रदर्शनीका लागि उहाँको व्यक्तिगत ४० हजार रुपैयाँ जति खर्च भएको छ । उहाँले भन्नुभयो, “पैसाभन्दा पनि गुल्मी चिनाउने मेरो प्रमुख उद्देश्य हो ।” रासस