स्वतन्त्रताप्रेमी नेपालीहरूको योगदानले आज हामी बोल्न पाएका छौँ: उपप्रधानमन्त्री सिंह

काठमाडौँ, २५ मंसिर । उपप्रधानमन्त्री एवं शहरी विकासमन्त्री प्रकाशमान सिंहले स्वतन्त्रताप्रेमी नेपालीहरूको सङ्घर्ष र योगदानका कारण आजका अधिकार र उपलब्धिहरू सम्भव भएको बताएका छन्।

मङ्गलबार मङ्गलादेवी सिंहको जन्म शताब्दीको अवसरमा उनले यस्तो बताएका हुन्। उपप्रधानमन्त्री सिंहले भने, “स्वतन्त्रताप्रेमी नेपालीहरूको योगदानको कारणले नै आजका दिनमा हामीले यि सबै अधिकारहरू भेला हुन पाउने, बोल्न पाउने अधिकार त्यसै आएको होइन । यो धेरैको बलिदानबाट आएको हो।”

उनले मङ्गलादेवी सिंहलाई नेपाली महिलाका अधिकारका लागि सङ्घर्ष गर्ने प्रमुख व्यक्तिका रूपमा स्मरण गर्दै, २०३६ सालको जनमत सङ्ग्रह र अन्य आन्दोलनहरूमा उनका योगदानलाई कदर गर्नुपर्नेमा जोड दिएका छन्।