तनहुँमा रास्वपाका स्वर्णिम वाग्ले प्रतिद्वन्द्वीभन्दा दोब्बर बढी मतले अगाडि

तनहुँ, ११ वैशाख । प्रतिनिधि सभा उपनिर्वाचन अन्तर्गत तनहुँ क्षेत्र नम्बर १मा राष्ट्रिय स्वतन्त्र पार्टी (रास्वपा) का उम्मेदवार डा. स्वर्णिम वाग्लेले अग्रता दोब्बर भन्दा बढी बनाउनु भएको छ । सार्वजनिक मतपरिणाम अनुसार वाग्लेले ७३९३ मत प्राप्त गर्नुभएको भने दोस्रो स्थानमा रहनु भएका नेपाली कांग्रेसका उम्मेदवार गोविन्द भट्टराईले ३२३४ मत प्राप्त गर्नुभएको छ । नेकपा एमालेका उम्मेदवार सर्वेन्द्र खनालले २१३४ मत प्राप्त गर्नुभएको छ ।

तनहुँ क्षेत्र नं.१ को मतगणना आइतबार रातिदेखि सुरु भएको हो । सुरुदेखि नै वाग्लेले अग्रता लिइरहनु भएको छ । आइतबार उपनिर्वाचन भएका चितवन क्षेत्र नम्बर २ र बारा क्षेत्र नम्बर २ को भने मतगणना सुरु भएको छैन ।