सुन्नै नसक्ने गरी गालीको बौछार गर्ने रवि लामिछानेले सभ्य समाज निर्माण गर्न सक्दैनः राम न्यौपाने

काठमाडौँ,७ बैशाख। चितवन २ का एमाले उम्मेदवार राम न्यौपानेले राष्ट्रिय स्वतन्त्र पार्टीका सभापति रवि लामिछानेले विपक्षीमाथि सुन्नै नसक्ने गरी गालीको बौछार गर्नेले सभ्य समाज निर्माण गर्न नसक्ने बताएका छन् । उपचुनाव प्रचारको अन्तिम दिन पत्रकार सम्मेलन गर्दै उनले विपक्षीमाथि सुन्नै नसक्ने गरी गालीको बौछार गर्नेले सभ्य समाज निर्माण गर्ने कल्पना गर्न नसकिने बताएका हुन् ।

न्यौपानेले भने, ‘एमाले, कांग्रेससहित अन्य दललाई समर्थन गरेर कुनै दिदीबहिनीले इन्टरभ्यू दियो भने त्यहाँ हामीले सुन्नै नसक्ने, घरपरिवारभित्र मात्रै होइन छिमेकीलाई पनि आरोपित गर्न सक्दैनौं । फेक आईडीबाट त्यस्ता शब्दहरुले राजनीति गर्छु भन्ने समाजलाई सभ्य बनाउँछु भन्ने तर, फेक आईडीबाट गालीको बौछार गर्ने अनि जनप्रतिनिधि बन्छु भन्ने रु यसले समाजलाई ठीक ठाउँमा पुर्‍याउँछ? म प्रश्न गर्न चाहन्छु ।’

पत्रकार हुँदा नेतालाई र नेता हुँदा पत्रकारलाई गाली गरेर गन्तव्यमा पुग्न नसक्ने उनको भनाइ छ ।