चितवन २ मा ठूला तीन दल सहित २४ जनाले गरे उम्मेदवारी दर्ता
न्युजभित्तो/२० चैत्र २०७९, सोमबार १८:२०
चितवन, २० चैत । चितवन क्षेत्र नं. २ मा आगामी वैशाख १० गते हुने उपनिर्वाचनमा तीन ठूला दल सहित २४ जनाले उम्मेदवारी दर्ता गराएका छन् । १२ जना स्वतन्त्र र नेकपा एमाले, नेपाली कांग्रेस, राष्ट्रिय स्वतन्त्र पार्टी सहित १२ जना दलका उम्मेदवारले दर्ता गराएका हुन् । उनीहरुले मुख्य निर्वाचन अधिकृतको कार्यालय भरतपुरमा पुगेर उम्मेदवारी दर्ता गराएका हुन् ।
बाम लोकतान्त्रीक गठवन्धनका तर्फबाट नेपाली काङ्ग्रेस चितवनका निवर्तमान सभापति जीतनारायण श्रेष्ठ र नेकपा एमालेका तर्फबाट जिल्ला अध्यक्ष रामप्रसाद न्यौपानेले उम्मेदवारी दर्ता गराउनुभएको छ । श्रेष्ठको प्रस्तावकमा नेपाली काङ्ग्रेस चितवनका सभापति राजेश्वर खनाल र नेकपा माओवादी केन्द्रका जिल्ला संयोजक रामचन्द्र अधिकारी समर्थक रहनु भएको छ ।
उम्मेदवारी दर्ता पछि पत्रकारहरुसंग कुराकानी गर्दै श्रेष्ठले चितवन निर्वाचनको प्रयोगशाला नभएको बताउनुभयो । उपनिर्वाचनमा काङ्ग्रेसले जीत हाँसिल गर्ने भन्दै उहाँले अहिलेको प्रतिशपर्धा काङ्ग्रेस र एमाले बीचको हुने बताउनुभयो । श्रेष्ठको उम्मेदवारी मनोनयनका क्रममा नेपाली काङ्ग्रेसका महामन्त्री विश्वप्रकाश शर्मा र सहमहामन्त्री महालक्ष्मी उपाध्यय डिनाको उपस्थिति रहेको थियो ।
यस्तै नेकपा एमालेका तर्फबाट उम्मेदवार न्यौपानेको प्रस्तावकमा विजय सुवेदी र समर्थकमा कृष्णभक्त पोख्रेल रहनु भएको छ । मनोनयन दर्ता पछि पत्रकारहरुसँग कुराकानी गर्दै न्यौपानेले हावाहुरीको पछी जनता नलाग्ने बताउनुभयो । आफ्नो गुमेको शाख यसपाली एमालेले फिर्ता गर्ने भन्दै उहाँले आफ्नो प्रतिशपर्धी कोही नभएको बताउनुभयो । न्यौपानेको उम्मेदवारी मनोनयनका क्रममा नेकपा एमालेका उपाध्यक्ष सुरेन्द्र पाण्डे र पोलिटव्यूरो सदस्य गोकुल बास्कोटा, काशिनाथ अधिकारी लगायतका नेताको उपस्थिति रहेको थियो ।
यस्तै राष्ट्रिय स्वतन्त्रपार्टीका सभापति रवि लामिछानेले आफ्नो उम्मेदवारी दर्ता गर्नुभएको छ । उहाँको प्रस्तावकमा सिता ज्ञवाली र समर्थकमा बिक्रम श्रेष्ठ रहनु भएको छ । उम्मेदवारी दर्ता पछि सञ्चारकर्मीहरुसँग प्रतिकृया दिंदै उहाँले निर्वाचन स्वच्छ र स्वस्थ प्रतिशपर्धामा होस भन्ने चाहेको बताउनुभयो । प्रतिनिधि सभाको निर्वाचन पछि चार महिनामानै निर्वाचन हुनु दुःख लागेको भन्दै उहाँले निर्वाचनमा केही फरक नभएको बताउनुभयो ।
नागरिकता प्रकरणमा उमेदवार बन्न नपाउने भन्ने कुरा गलत रहेको उहाँका दावी छ । उहाँले भन्नुभयो “मैले अमेरिकाको सिटिजनसिप सन् २०१८ मै त्यागेको हो । त्यो त्यागेको मितिले तीन महिना भनेर संविधानले भनेको हुँदा त्यसले मलाई असर गर्दैन ।”
लामिछाने यस अघि भारी मतान्तरले निर्वाचित संघीय सासद हुनुहुन्थ्यो । उहाँको नागरिकता सर्वोच्च अदालतले खारेज गरेसगैँ संसद पद पनि गएपछि अहिले उप निर्वाचन हुन लागेको हो । गत चुनावमा लामिछानेले ४९ हजार २६१ मत प्राप्त गर्नुभएको थियो । उहाँका निकटतम प्रतिस्पर्धी नेपाली काँग्रेसका उमेश श्रेष्ठले १५ हजार ९९ र नेकपा एमालेका कृष्णभक्त पोख्रेलको १४ हजार ६४९ मत प्राप्त गर्नुभएको थियो ।
यसैगरी राष्ट्रिय प्रजातन्त्र पार्टी (राप्रपा), जनमोर्चा नेपाल लगायतका दल र १२ स्वतन्त्र उम्मेदवार रहेका छन् । स्वतन्त्र मध्ये दुई जना महिला रहेको मुख्य निर्वाचन अधिकृतको कार्यालयले जनाएको छ ।
उपनिर्वाचमा चितवन क्षेत्र नम्बर २ मा १ लाख २४ हजार ६९५ जनाले मतदान गर्न पाउनेछन् । उनीहरुले ४३ स्थलका १३८ केन्द्रबाट मतदान गर्ने छन् ।
चितवन, २० चैत । चितवन क्षेत्र नं. २ मा आगामी वैशाख १० गते हुने उपनिर्वाचनमा तीन ठूला दल सहित २४ जनाले उम्मेदवारी दर्ता गराएका छन् । १२ जना स्वतन्त्र र नेकपा एमाले, नेपाली कांग्रेस, राष्ट्रिय स्वतन्त्र पार्टी सहित १२ जना दलका उम्मेदवारले दर्ता गराएका हुन् । उनीहरुले मुख्य निर्वाचन अधिकृतको कार्यालय भरतपुरमा पुगेर उम्मेदवारी दर्ता गराएका हुन् ।
बाम लोकतान्त्रीक गठवन्धनका तर्फबाट नेपाली काङ्ग्रेस चितवनका निवर्तमान सभापति जीतनारायण श्रेष्ठ र नेकपा एमालेका तर्फबाट जिल्ला अध्यक्ष रामप्रसाद न्यौपानेले उम्मेदवारी दर्ता गराउनुभएको छ । श्रेष्ठको प्रस्तावकमा नेपाली काङ्ग्रेस चितवनका सभापति राजेश्वर खनाल र नेकपा माओवादी केन्द्रका जिल्ला संयोजक रामचन्द्र अधिकारी समर्थक रहनु भएको छ ।
उम्मेदवारी दर्ता पछि पत्रकारहरुसंग कुराकानी गर्दै श्रेष्ठले चितवन निर्वाचनको प्रयोगशाला नभएको बताउनुभयो । उपनिर्वाचनमा काङ्ग्रेसले जीत हाँसिल गर्ने भन्दै उहाँले अहिलेको प्रतिशपर्धा काङ्ग्रेस र एमाले बीचको हुने बताउनुभयो । श्रेष्ठको उम्मेदवारी मनोनयनका क्रममा नेपाली काङ्ग्रेसका महामन्त्री विश्वप्रकाश शर्मा र सहमहामन्त्री महालक्ष्मी उपाध्यय डिनाको उपस्थिति रहेको थियो ।
यस्तै नेकपा एमालेका तर्फबाट उम्मेदवार न्यौपानेको प्रस्तावकमा विजय सुवेदी र समर्थकमा कृष्णभक्त पोख्रेल रहनु भएको छ । मनोनयन दर्ता पछि पत्रकारहरुसँग कुराकानी गर्दै न्यौपानेले हावाहुरीको पछी जनता नलाग्ने बताउनुभयो । आफ्नो गुमेको शाख यसपाली एमालेले फिर्ता गर्ने भन्दै उहाँले आफ्नो प्रतिशपर्धी कोही नभएको बताउनुभयो । न्यौपानेको उम्मेदवारी मनोनयनका क्रममा नेकपा एमालेका उपाध्यक्ष सुरेन्द्र पाण्डे र पोलिटव्यूरो सदस्य गोकुल बास्कोटा, काशिनाथ अधिकारी लगायतका नेताको उपस्थिति रहेको थियो ।
यस्तै राष्ट्रिय स्वतन्त्रपार्टीका सभापति रवि लामिछानेले आफ्नो उम्मेदवारी दर्ता गर्नुभएको छ । उहाँको प्रस्तावकमा सिता ज्ञवाली र समर्थकमा बिक्रम श्रेष्ठ रहनु भएको छ । उम्मेदवारी दर्ता पछि सञ्चारकर्मीहरुसँग प्रतिकृया दिंदै उहाँले निर्वाचन स्वच्छ र स्वस्थ प्रतिशपर्धामा होस भन्ने चाहेको बताउनुभयो । प्रतिनिधि सभाको निर्वाचन पछि चार महिनामानै निर्वाचन हुनु दुःख लागेको भन्दै उहाँले निर्वाचनमा केही फरक नभएको बताउनुभयो ।
नागरिकता प्रकरणमा उमेदवार बन्न नपाउने भन्ने कुरा गलत रहेको उहाँका दावी छ । उहाँले भन्नुभयो “मैले अमेरिकाको सिटिजनसिप सन् २०१८ मै त्यागेको हो । त्यो त्यागेको मितिले तीन महिना भनेर संविधानले भनेको हुँदा त्यसले मलाई असर गर्दैन ।”
लामिछाने यस अघि भारी मतान्तरले निर्वाचित संघीय सासद हुनुहुन्थ्यो । उहाँको नागरिकता सर्वोच्च अदालतले खारेज गरेसगैँ संसद पद पनि गएपछि अहिले उप निर्वाचन हुन लागेको हो ।
गत चुनावमा लामिछानेले ४९ हजार २६१ मत प्राप्त गर्नुभएको थियो । उहाँका निकटतम प्रतिस्पर्धी नेपाली काँग्रेसका उमेश श्रेष्ठले १५ हजार ९९ र नेकपा एमालेका कृष्णभक्त पोख्रेलको १४ हजार ६४९ मत प्राप्त गर्नुभएको थियो ।
यसैगरी राष्ट्रिय प्रजातन्त्र पार्टी (राप्रपा), जनमोर्चा नेपाल लगायतका दल र १२ स्वतन्त्र उम्मेदवार रहेका छन् । स्वतन्त्र मध्ये दुई जना महिला रहेको मुख्य निर्वाचन अधिकृतको कार्यालयले जनाएको छ ।
उपनिर्वाचमा चितवन क्षेत्र नम्बर २ मा १ लाख २४ हजार ६९५ जनाले मतदान गर्न पाउनेछन् । उनीहरुले ४३ स्थलका १३८ केन्द्रबाट मतदान गर्ने छन् ।