माडीमा सरस्वती बिष्ट र दिनेश कोइरालाको चुनावी रणनीतिबारे छलफल

माडी, २ कार्तिक । चितवन क्षेत्र नं ३ का स्वतन्त्र उम्मेदवार र नेकपा एमालेका उम्मेदवारबीच परिचयात्मक छलफल कार्यक्रम सम्मन्न भएको छ । आज बुधवार माडी बसन्तपुरमा सम्पन्न कार्यक्रममा चितवन क्षेत्र नं ३ का स्वतन्त्र उम्मेदवार दिनेश कोइराला र नेकपा एमाले चितवन ३ ख कि प्रदेश सभा उम्मेदवार सरस्वती बिष्टसहित दुबै समुहका नेताहरुबीच चुनावी रणनीति सम्बन्धमा छलफल भएको हो ।

कार्यक्रममा क्षेत्र नं ३ का स्वतन्त्र उम्मेदवार दिनेश कोइराला, प्रदेशसभा ३ ख कि उम्मेदवार सरस्वती शिष्ट, नेकपा एमालेका क्षेत्रीय अध्यक्ष श्याकुमार बिष्ट, नेकपा एमाले निर्वाचन परिचालन समिति माडीका संयोजक शिबहरी सुबेदीलगायतले मन्तव्य राख्नुभएको थियो ।

कार्यक्रममा नेकपा एमालेका चितवन जिल्ला कमिटीका सदस्य, माडी नगर कमिटिका सल्लाहकार, नगर कमिटिका पदाधिकारीहित स्वतन्त्र उम्मेदवार दिनेश कोइरालाको निर्वाचन परिचालन समितिका सदस्यहरुको सहभागिता रहेको थियो ।