प्रचण्डको गृहजिल्लामा माओवादी जिल्ला र महानगर सहइन्चार्ज एमाले प्रवेश

चितवन, ३० भदौ । माओवादी केन्द्रका अध्यक्ष पुष्पकमल दाहाल प्रचण्डको गृह जिल्लामा माओवादीका जिल्ला र महानगर सहइन्चार्ज एमाले प्रवेश गरेका छन् । माओवादी केन्द्र चितवनका जिल्ला सहइन्चार्ज यम बहादुर परियार इन्द्रजित एमाले प्रवेश गरेका छन् । लामो समय माओवादीको चितवन जिल्ला नेतृत्व गरेका परियार आज विहिबार पार्टी कार्यालयमा आयोजित कार्यक्रम मार्फत उनी एमाले प्रवेश गरेका हुन् । परियार एमाले र माओवादी एकीकरण भएपछि बनेको नेकपाको पनि चितवन जिल्ला संयोजक भएर काम गर्नुभएको छ । परियार पाँच पटक माओवादी पार्टीको चितवन जिल्ला अध्यक्ष तथा सेक्रेटरी भइसकेका नेता हुनुहुन्छ ।

माओवादी केन्द्रका अध्यक्ष पुष्पकमल दाहाल प्रचण्डको निर्वाचन क्षेत्रका उहाँ एमाले प्रवेश गरेपछि प्रचण्डलाई समेत धक्का पुगेको छ । निर्वाचन नजिकिदै गरेको समयमा उहाँको एमाले प्रवेशलाई अर्थपूर्ण रुपमा हेरिएको छ । उहाँसँगै माओवादी केन्द्रका भरतपुर महानगर कमिटी सहइन्चार्ज अन्जन तिमिल्सेना पनि एमाले प्रवेश गर्नुभएको छ । उहाँहरुलाई अध्यक्ष केपी शर्मा ओलीले पार्टी प्रवेश गराउनु भएको हो ।