‘आगन्तुक’ उम्मेदवार रोक्दै चितवन कांग्रेस, उमेश श्रेष्ठलाई झट्का
न्युजभित्तो/१२ भाद्र २०७९, आईतवार ०९:०६
चितवन, १२ भदौ । आगामी मंसिर ४ गते हुने निर्वाचनमा बाहिरबाट आएर यहाँ उम्मेदवार बन्नेहरुलाई कांग्रेस चितवनले रोक्ने भएको छ । चितवन क्षेत्र नं. २ का नेपाली कांग्रेसका महाधिवेशन प्रतिनिधि र महासमिति सदस्यहरुको छुट्टाछुट्टै बैठक बसी बाहिरबाट आउने उम्मेदवार रोक्ने निर्णय गरेको हो ।
जिल्ला नेतृत्वको प्रत्यक्ष संलग्नता नभए पनि परामर्शमा बैठक बसेको सहभागी एकले बताएका छन् । बैठकका सहभागी महासमिति सदस्य राजकुमार राजभण्डारीका अनुसार यही भूगोलमा राजनीति गरेका जनप्रिय नेता यहाँको उम्मेदवार बन्न सके जिताउन सकिने भएकाले गृहकार्य गरेको बताउनुभयो । आजै क्षेत्रीय समिति र प्रदेश समितिसँग छलफल गरी जिल्ला हुँदै केन्द्रमा धारणा पठाउन लागिएको छ ।
सोही क्षेत्रबाट केन्द्रीय सदस्य उमेश श्रेष्ठले उम्मेदवारी दिने घोषणा गरेपछि रोक्नका लागि यो गृहकार्य भएको पाईएको छ । राजभण्डारीले भन्नुभयो “जनतामा भिजेको वर्षाैदेखि यही राजनीति गरेको व्यक्ति छोडेर बाहिरका व्यक्तिलाई निर्वाचनमा जिताउन सकिंदैन ।”
भदौ १६ गतेसम्म क्षेत्रले सिफारिस गर्नुपर्ने भएकाले महाधिवेशन प्रतिनिधि र महासमिति सदस्यहरु यो गृहकार्यमा लागेको बताएका छन् । सबैको एकमत रहेको राजभण्डारीले दावी गर्नुभयो । यो क्षेत्रमा नेपाली कांग्रेसको शेखर समूहको राम्रो उपस्थिति छ । जिल्ला सभापति राजेश्वर खनाल शेखर समूहका मानिनुहुन्छ । आफू वा पूर्व सभापति जीतनारायण श्रेष्ठमध्ये एक जनालाई २ नं. क्षेत्रमा उम्मेदवार पाउनु पर्ने उहाँले दावी गर्दै आउनु भएको छ ।
प्रधानमन्त्री एवं पार्टी सभापति शेरबहादुर देउवा निकट उमेश श्रेष्ठलाई यहाँ टिकट दिनबाट रोक्न गृहकार्य थालिएको हो । राज्यमन्त्री समेत रहेका श्रेष्ठको राजनीति भूगोल चितवन क्षेत्र नं. ३ हो । उहाँलाई आगन्तुक उम्मेदवारका रुपमा शेखर समूहले जिल्लामा प्रचार गर्दै आएको छ ।
चितवन, १२ भदौ । आगामी मंसिर ४ गते हुने निर्वाचनमा बाहिरबाट आएर यहाँ उम्मेदवार बन्नेहरुलाई कांग्रेस चितवनले रोक्ने भएको छ । चितवन क्षेत्र नं. २ का नेपाली कांग्रेसका महाधिवेशन प्रतिनिधि र महासमिति सदस्यहरुको छुट्टाछुट्टै बैठक बसी बाहिरबाट आउने उम्मेदवार रोक्ने निर्णय गरेको हो ।
जिल्ला नेतृत्वको प्रत्यक्ष संलग्नता नभए पनि परामर्शमा बैठक बसेको सहभागी एकले बताएका छन् । बैठकका सहभागी महासमिति सदस्य राजकुमार राजभण्डारीका अनुसार यही भूगोलमा राजनीति गरेका जनप्रिय नेता यहाँको उम्मेदवार बन्न सके जिताउन सकिने भएकाले गृहकार्य गरेको बताउनुभयो । आजै क्षेत्रीय समिति र प्रदेश समितिसँग छलफल गरी जिल्ला हुँदै केन्द्रमा धारणा पठाउन लागिएको छ ।
सोही क्षेत्रबाट केन्द्रीय सदस्य उमेश श्रेष्ठले उम्मेदवारी दिने घोषणा गरेपछि रोक्नका लागि यो गृहकार्य भएको पाईएको छ । राजभण्डारीले भन्नुभयो “जनतामा भिजेको वर्षाैदेखि यही राजनीति गरेको व्यक्ति छोडेर बाहिरका व्यक्तिलाई निर्वाचनमा जिताउन सकिंदैन ।”
भदौ १६ गतेसम्म क्षेत्रले सिफारिस गर्नुपर्ने भएकाले महाधिवेशन प्रतिनिधि र महासमिति सदस्यहरु यो गृहकार्यमा लागेको बताएका छन् । सबैको एकमत रहेको राजभण्डारीले दावी गर्नुभयो । यो क्षेत्रमा नेपाली कांग्रेसको शेखर समूहको राम्रो उपस्थिति छ । जिल्ला सभापति राजेश्वर खनाल शेखर समूहका मानिनुहुन्छ । आफू वा पूर्व सभापति जीतनारायण श्रेष्ठमध्ये एक जनालाई २ नं. क्षेत्रमा उम्मेदवार पाउनु पर्ने उहाँले दावी गर्दै आउनु भएको छ ।
प्रधानमन्त्री एवं पार्टी सभापति शेरबहादुर देउवा निकट उमेश श्रेष्ठलाई यहाँ टिकट दिनबाट रोक्न गृहकार्य थालिएको हो । राज्यमन्त्री समेत रहेका श्रेष्ठको राजनीति भूगोल चितवन क्षेत्र नं. ३ हो । उहाँलाई आगन्तुक उम्मेदवारका रुपमा शेखर समूहले जिल्लामा प्रचार गर्दै आएको छ ।