पूर्वी चितवनको बकुलहरमा भोलिदेखि ‘सेभ सुपरमार्केट’ सञ्चालनमा

रत्ननगर, १९ वैशाख । रत्ननगर नगरपालिकाको बकुलहरमा रहेको सेभ सुपरमार्केट भोलिदेखि संचालनमा आउने भएको छ ।  आज एक पत्रकार सम्मेलनको आयोजना गरी सुपरमार्केटबारे जानकारी दिईएको हो ।

सौराहा भेन्चरस् प्रा.लि.ले संचालन गरेको सुपरमार्केटको बरिष्ठ कलाकार हरिवंश आचार्यले उद्घाटन गर्ने कार्यक्रम रहेको छ । बकुलहरस्थित पुरानो ज्योति हल भएको स्थानमा रहेको सुपरमार्केमा सौराहाका १८ जना व्यवसायीको १६ करोड रुपैयाँ लगानी रहेको छ । प्रा.लि.का अध्यक्ष नारायण भट्टराईले एउटै छानामुनि सस्तो र सुपथ मूल्यमा खाद्यान्नदेखि लत्ताकपडा हुँदै किचन र घरमा चाहिने सबै प्रकारका सामान पाईने बताउनुभयो ।

तीन तले सुपरमार्केको पहिलो तलामा खाद्यान्न सहितको ग्रोसरी, दोस्रो तलामा कपडा, ईलेक्ट्रिक र किचनमा प्रयोग हुने सबै प्रकारका भाडाकुँडा रहेका छन् । तेस्रो तलामा मनोरञ्जनको लागि सुविधासम्पन्न स्केट पार्क रहने छ ।

छिट्टै सुविधासम्पन्न चलचित्र हल समेत निर्माण गर्ने योजना रहेको संचालक सुमन घिमिरेले बताउनुभयो । सुपरमार्के सञ्चालनसँगै पूर्वी चितवनबाट दैनिक उपभोग्य वस्तुहरु खरिदका लागि भरतपुर जानु पर्ने बाध्यता हटेको घिमिरेको भनाई छ ।