चितवनमा बुधबार २५ संक्रमित थपिए

चितवन,३ कात्तिक। पछिल्लो २४ घन्टामा चितवनमा २५ जना कोरोना संक्रमित थपिएका छन् । सोही अवधिमा १६ जना कोरोना संक्रमण मुक्त भएका छन् ।

भरतपुर महानगरमा २२, खैरहनी नगरपालिकामा १, रत्ननगर नगरपालिकामा २ संक्रमित थपिएका हुन्। चितवनमा सक्रिय संक्रमित २४१ मा पुगेको छ ।

चितवनमा हालसम्म संक्रमितको संख्या २६ हजार ३९१ पुगेको छ । २५ हजार ७२५ जना निको भएका छन् भने हालसम्म ४२५ जना चितवनवासीको कोरोना संक्रमणका कारण मृत्यु भएको छ । २०४ जना संक्रमित होम आइसोलेसनमा रहेका स्वास्थ्य कार्यालय चितवनले जनाएको छ ।