चितवनमा पछिल्लो २४ घण्टामा ३९ नयाँ संक्रमित थपिए

चितवन २० असोज । जिल्लामा पछिल्लो २४ घण्टामा ३९ जना नयाँ कोरोना संक्रमित थपिएका छन्। भरतपुरका ३२, रत्ननगर र इच्छाकामनामा दुईरदुई जना र खैरहनी, माडी र राप्तीमा एकरएक जना संक्रमित भेटिएका हुन्।

बुधबार थपिएका ३९ जनासहित चितवनमा कोरोना संक्रमितको कुल संख्या २६ हजार १२७ पुगेको स्वास्थ्य कार्यालय चितवनले जनाएको छ।

हाल चितवनमा सक्रिय संक्रमितको संख्या भने ४६१ छ। तीमध्ये अस्पतालको आइसोलेसनमा ३७ जना छन् भने बाँकी ४२४ जना संक्रमित घरमै बसेर स्वास्थ्य लाभ गरिरहेका छन्। पछिल्लो २४ घण्टामा ३० जना कोरोना संक्रमित संक्रमणबाट मुक्त भएका छन्।