काठमाडौँ, १५ असोज । बजाज पल्सर एभरेष्ट प्रिमियर लिग (इपीएल) टि–२० अन्तरगत आज (शुक्रबार) दुई खेल हुँदैछन् । पहिलो खेलमा विराटनगर वारियर्स र साविक विजेता ललितपुर प्याट्रियट्सबीच प्रतिस्पर्धा हुँदैछ । यी दुई बीचको खेल टियु क्रिकेट मैदानमा विहान ९ः३० बजेदेखि सुरु हुँदैछ । विराटनगर करन केसी र ललितपुर कुशल भुर्तेलको कप्तानीमा मैदानमा उत्रिदै छ ।
प्रतियोगितामा ३ खेल खेलेको ललितपुर २ मा हार र एक खेल बराबरी खेल्दै १ अंकका साथ पाँचौँ स्थानमा छ । ललितपुर प्याट्रियट्स काठमाडौँ किंग्स ११ र पोखरा राइनोजसंग पराजित भएको थियो भने बिहीबार भएको खेलमा भैरहवा ग्लाडियटर्ससंग अंक बाडेको थियो । दुवै टिमले १७७ रन बनाएपछि खराब प्रकाशका कारण खेल सुपर ओभरमा जान सकेन र दुवै टिमले सहमतिमा अंक बाडे ।
यस्तै विराटनगर वारियर्स लगातार दुई खेलमै पराजित हुँदै अंक तालिकाको पुछारमा छ । विराटनगर पहिलो खेलमा चितवन टाइगर्स र दोस्रो खेलमा भैरहवा ग्लाडियटर्ससंग पराजित भएको थियो । आज तेस्रो खेलमा विराटनगरले जित निकाल्दै २ अंक बटुल्न चाहन्छ ।
इपीएलको चौथो संस्करणसम्म आइपुग्दा ललितपुर लगातार विराटनगरसंग पराजित भएको छ । २०१७ मा विराटनगर ६ रनले विजयी भएको थियो भने २०१८ मा ३ विकेटले विजयी भएको थियो ।
यस्तै प्रतियोगिता अन्तरगत आजको दोस्रो खेलमा उपाधि दावेदार चितवन टाइगर्स र पोखरा राइनोजबीच प्रतिस्पर्धा हुँदैछ । यी दुई बीचको खेल टियु क्रिकेट मैदानमा दिउँसे १ः३० बजेदेखि सुरु हुनेछ । चितवन सोमपाल कामी र पोखरा विनोद भण्डारीको कप्तानीमा मैदानमा उत्रिदैछ । चितवन लगातार दुई खेलमा जित हात पार्दै ४ अंकका साथ अंक तालिकाको दोस्रो स्थानमा छ । चितवनले विराटनगर र काठमाडौँ किंग्स ११ लाई पराजित गरेको थियो ।
यस्तै पोखरा राइनोज भने एक खेलमा जित र एक बराबरी खेल्दै ३ अंकका साथ अंक तालिकाको तेस्रो स्थानमा छ । आज जित हात पार्ने टोली लगभग प्ले अफमा स्थान पक्का गर्ने छ ।
काठमाडौँ, १५ असोज । बजाज पल्सर एभरेष्ट प्रिमियर लिग (इपीएल) टि–२० अन्तरगत आज (शुक्रबार) दुई खेल हुँदैछन् । पहिलो खेलमा विराटनगर वारियर्स र साविक विजेता ललितपुर प्याट्रियट्सबीच प्रतिस्पर्धा हुँदैछ । यी दुई बीचको खेल टियु क्रिकेट मैदानमा विहान ९ः३० बजेदेखि सुरु हुँदैछ । विराटनगर करन केसी र ललितपुर कुशल भुर्तेलको कप्तानीमा मैदानमा उत्रिदै छ ।
प्रतियोगितामा ३ खेल खेलेको ललितपुर २ मा हार र एक खेल बराबरी खेल्दै १ अंकका साथ पाँचौँ स्थानमा छ । ललितपुर प्याट्रियट्स काठमाडौँ किंग्स ११ र पोखरा राइनोजसंग पराजित भएको थियो भने बिहीबार भएको खेलमा भैरहवा ग्लाडियटर्ससंग अंक बाडेको थियो । दुवै टिमले १७७ रन बनाएपछि खराब प्रकाशका कारण खेल सुपर ओभरमा जान सकेन र दुवै टिमले सहमतिमा अंक बाडे ।
यस्तै विराटनगर वारियर्स लगातार दुई खेलमै पराजित हुँदै अंक तालिकाको पुछारमा छ । विराटनगर पहिलो खेलमा चितवन टाइगर्स र दोस्रो खेलमा भैरहवा ग्लाडियटर्ससंग पराजित भएको थियो । आज तेस्रो खेलमा विराटनगरले जित निकाल्दै २ अंक बटुल्न चाहन्छ ।
इपीएलको चौथो संस्करणसम्म आइपुग्दा ललितपुर लगातार विराटनगरसंग पराजित भएको छ । २०१७ मा विराटनगर ६ रनले विजयी भएको थियो भने २०१८ मा ३ विकेटले विजयी भएको थियो ।
यस्तै प्रतियोगिता अन्तरगत आजको दोस्रो खेलमा उपाधि दावेदार चितवन टाइगर्स र पोखरा राइनोजबीच प्रतिस्पर्धा हुँदैछ । यी दुई बीचको खेल टियु क्रिकेट मैदानमा दिउँसे १ः३० बजेदेखि सुरु हुनेछ । चितवन सोमपाल कामी र पोखरा विनोद भण्डारीको कप्तानीमा मैदानमा उत्रिदैछ । चितवन लगातार दुई खेलमा जित हात पार्दै ४ अंकका साथ अंक तालिकाको दोस्रो स्थानमा छ । चितवनले विराटनगर र काठमाडौँ किंग्स ११ लाई पराजित गरेको थियो ।
यस्तै पोखरा राइनोज भने एक खेलमा जित र एक बराबरी खेल्दै ३ अंकका साथ अंक तालिकाको तेस्रो स्थानमा छ । आज जित हात पार्ने टोली लगभग प्ले अफमा स्थान पक्का गर्ने छ ।