नेपाली काँग्रेस भरतपुर महानगरको निर्वाचन सम्पन्न, १४८५ मा १४६६ मत खस्यो

चितवन,१० असोज । नेपाली काँग्रेसको १४ औं महाधिवेशन अन्तर्गत चितवनको भरतपुर महानगरपालिकामा नेतृत्व चयनका लागि भएको निर्वाचन सकिएको छ । आज (आइतबार) महानगर समिति चयनका लागि बिहान ९ बजे देखि शुरु भएको निर्वाचन ४ : ३० बजे सकिएको हो ।

भरतपुर महानगरपालिका मङगलपुरस्थित अतिथि पार्टी प्यालेसमा भएको निर्वाचनमा कुल १४८५ जना मतदाता रहेको भरतपुरमा १४६६ मत खसेको मतदान अधिकृत श्रीराम दवाडीले जानाकारी दिए ।

महानगर सभापतिका लागि ५ जनाले उम्मेद्वार चुनावी मैदानमा उत्रिएका छन् । वर्तमान सभापति भरत अधिकारी, हिरामणि अधिकारी, चित्रसेन अधिकारी, अर्जुन रिजाल र बचन कार्कीले सभापतिका लागि उम्मेद्वारी दर्ता गराएका छन् ।