चितवनमा आज ४८ संक्रमित थपिए, ४१ संक्रमणमुक्त

चितवन,८ असोज । चितवनमा पछिल्लो २४ घण्टामा ४८ जना कोरोना भाइरसका संक्रमित थपिएका छन् । यससँगै अहिलेसम्म जिल्लाभर कोरोना संक्रमितको संख्या २५ हजार ७३१ पुगेको स्वास्थ्य कार्यालय चितवनले जनाएको छ ।

त्यस्तै चितवनमा पछिल्लो २४ घण्टामा ४१ जना कोरोना भाइरस संक्रमणमुक्त भएका छन् । यससँगै अहिलेसम्म जिल्लाभर कोरोनामुक्त हुनेको संख्या २४ हजार ७३४ पुगेको छ । आज जिल्लाभर सक्रिय संक्रमित ५८५ जना रहेका छन् । उनीहरु मध्ये ५४१ जना होम आइसोलेसनमा छन् भने ४४ जना अस्पतालमा छन् ।

चितवनमा आज कोरोना भाईरस संक्रमणबाट कसैको पनि मृत्‍यु भएको छैन । जिल्लाभर कोरोना संक्रमणबाट अहिलेसम्म ४१२ जनाको मृत्यु भएको स्वास्थ्य कार्यालय चितवनले जनाएको छ ।