चितवनमा पछिल्लो २४ घण्टामा ३५ संक्रमित थपिए , ४६ जना कोरोनामुक्त,

चितवन, ६ असोज । चितवनमा पछिल्लो २४ घण्टामा ४६ जना कोरोना भाइरस संक्रमणमुक्त भएका छन् । यससँगै अहिलेसम्म जिल्लाभर कोरोनामुक्त हुनेको संख्या २४ हजार ६६० पुगेको छ ।आज जिल्लाभर सक्रिय संक्रमित ५७९ जना रहेका छन् । उनीहरु मध्ये ५३८ जना होम आइसोलेसनमा छन् भने ४१ जना अस्पतालमा छन् ।

उता चितवनमा पछिल्लो २४ घण्टामा ३५ जना कोरोना भाइरसका संक्रमित थपिएका छन् । यससँगै अहिलेसम्म जिल्लाभर कोरोना संक्रमितको संख्या २५ हजार ६५१ पुगेको छ । चितवनमा आज कोरोना भाईरस संक्रमणबाट १ जनाको मृत्‍यु भएको छ । जिल्लाभर कोरोना संक्रमणबाट अहिलेसम्म ४१२ जनाको मृत्यु भएको स्वास्थ्य कार्यालय चितवनले जनाएको छ ।