चितवन राष्ट्रिय निकुञ्जमा अर्ना मृत फेला, बच्चाको जन्म

चितवन, २६ भदौ । चितवन राष्ट्रिय निकुञ्जमा एउटा अर्ना  मृत फेला परेको छ भने एउटा नयाँ बच्चाको जन्म भएको छ । निकुञ्जको पदमपुर फाँटमा रहेको इन्क्लोजरमा हिजो भदौ २५ गते मृत अर्ना फेला परेको हो भने दुई दिन अघि जन्मिएको बच्चा फेला परेको हो ।

निकुञ्जका सूचना अधिकारी लोकेन्द्र अधिकारीका अनुसार मृत्यु भएको पोथी अर्ना प्राकृतिक रुपमा कालगतिले मरेको प्रारम्भिक अनुमान गरिएको छ । सोही इन्क्लोजरभित्र दुई दिन अघि जन्मिएको अनुमान गरिएको एउटा बच्चा फेला परेको छ । उक्त बच्चाको लिंग पहिचान हुन नसकेको अधिकारीले न्यूजभित्तोलाई जानकारी दिनुभयो ।

यसअघि उक्त एन्क्लोजर क्षेत्रमा १२ वटा अर्ना रहेकोमा उक्त पोथीको मृत्यु संगै ११ वटा भएका थिए । पुनः नयाँ बच्चाको आगमन संगै १२ वटा नै रहेका छन् । सो मध्ये ६ वटा वयष्क (२ भाले र ४ पोथि ) र नया चितवनमा जन्म लियका (२ पोथी र ३ भाले र १ नवागन्तुक लिंग पहिचान भइ नसकेको) छन् । यस निकुन्जमा १२ वटा कोशी टप्पु वन्यजन्तु आरक्षबाट र ३ वटा सदर चिडियाखाना ललितपुरबाट स्थान्तरण गरी जम्मा १५ वटा अर्ना ल्याईयको थियो । स्थानान्तरण गरी ल्याएपछि सात वटा बच्चा जन्मिएकोमा छ वटा सकुशल रहेका छन् ।