बुवा र श्रीमतीबीच अनैतिक सम्बन्ध, छोराले गरे दुबैको हत्या

धनुषा,८ भदौं । धनुषामा एक युवकले आफ्नै बुवा र श्रीमतीको हत्या गरेका छन्। मिथिला विहारी नगरपालिका वडा नम्बर ५ ललियाका भागेश्वर मण्डलले आफ्नै ५५ वर्षीय बुवा रामवृक्ष मण्डल र ३५ वर्षीया श्रीमती अमरिकादेवी मण्डलको हत्या गरेका हुन् ।

लामो समयदेखि बुवा र श्रीमतीबीच अनैतिक समबन्ध रहेका र त्यसै कारणले घरमा विवाद हुँदा उनले हत्या गरेको प्रहरीले जनाएको छ । ‘लामो समयदेखि बुवा र श्रीमतीबीच अनैतिक समबन्ध थियो, अनुसन्धानमा खटिएका एक प्रहरीले भने, त्यसै कारणले घरमा विवाद हुँदै आएको भन्ने छोराले बयान दिएका छन् ।’

उनले गए राति हत्या गरेर खाल्डोमा गाडेको भन्दै स्वीकार गरेको धनुषाका एसपी प्रकाश रानाभाटले जानकारी दिए। प्रहरीले घटनास्थलमा पुगेर शव उत्खनन सुरु गरेको छ। स्थानीयका अनुसार भागेश्वर एक वर्ष अघि वैदेशिक रोजगारीबाट घर फर्केका हुन्।