माधव नेपालको पार्टीको नाम अब यस्तो, केन्द्रीय समिति सदस्यपनि थपिए

कर्णाली, ४ भदौ ।  माधव नेपाल पक्षको दलको नाम फेरिने भएको छ । यसअघि नेकपा एमाले समाजवादी राख्ने प्रस्ताव नेपाल पक्षले गरेपनि शुक्रबार नाम परिवर्तनको निर्णय भएको हो ।

आयोगले अन्य पार्टीसँग मिल्दोजुल्दो नाम राख्न नपाइने बताएपनि यस्तो निर्णय भएको नेपाल पक्षले जनाएको छ । नेपाल पक्षको पार्टीको नाम अब ‘नेकपा एकीकृत समाजवादी’ रहने भएको छ ।

राजेन्द्र पाण्डेसहितको टोली निर्वाचन आयोग पुगेर नाम संशोधन गरेका हुन् । त्यस्तै, ९५ सदस्यीय केन्द्रीय समिति प्रस्ताव गरिएकोमा सोको संख्या बढाएर ११५ पुयाइएको छ ।

चुनाव चिन्हको बारेमा भने अझै निर्णय भइसकेको छैन । नयाँ पार्टीका लागि ‘खुला किताब’ चुनाव चिन्ह प्रस्ताव गरिएको थियो । तर, त्यो अर्को पार्टीसँग मिलेपछि त्यसमा विवाद सिर्जना भएको थियो ।