चितवन राष्ट्रिय निकुञ्जमा तस्करले मारे दुर्लभ एकसिंगे गैंडा
न्युजभित्तो/३१ श्रावण २०७८, आईतवार १३:२६
चितवन, ३१ साउन । चितवन राष्ट्रिय निकुञ्जमा दुर्लभ एकसिंगे गैंडा तस्करले मारेका छन् । निकुञ्जको माडी बगई सेक्टर अन्तर्गत घाँघरको बाटुलिचौरमा खाग काटिएको अवस्थामा मृत गैंडा फेला परेको हो ।
साउन ११ गते मृत गैंडा फेला परेको भए पनि हालसम्म गोप्य नै राखिएको थियो । निकुञ्जका प्रमुख संरक्षण अधिकृत अणनाथ बरालले खाग काटिएको अवस्थामा अन्दाजी २० वर्षको गैंडा मृत फेला परेको जानकारी दिनुभयो । बरालका अनुसार गैंडा हिलोमा गडेका कारण हड्डी मात्रै भेटिएको छ । कम्तीमा दुई महिना अघि गैंडा मरेको हुन सक्ने आशंका गरिएको छ । खाग काटिएको र टाउकोको हड्डीमा गोलि लागेको जस्तो चोट देखिएको छ ।
नेपाली सेना र निकुञ्जका कर्मचारीको संयुक्त गस्तीले गैंडा मृत अवस्थामा फेला पारेको हो । त्यस लगत्तै घटननाको अनुसन्धान अघि बढाईएको छ । उहाँले अनुसन्धान अघि बढेको र तस्कर नजिक पुगेको बताउनुभयो । गैंडा कुहिएकाले लिंग पहिचान हुन सकेको छैन । घटना लगत्तै कारागारबाट छुटेका र अन्य शंकास्पदमाथि अनुसन्धान थालिएको छ ।
निकुञ्जमा गत आर्थिक वर्षमा निकुञ्जमा चार वटा गैंडा चोरीशिकारीले मारेको निकुञ्जका सूचना अधिकारी लोकेन्द्र अधिकारीले जानकारी दिनुभयो । गत आवमा प्राकृतिक कारणले २८ वटा गैंडा मरेका थिए । चालु आर्थिक वर्षको साउनमा मात्रै प्राकृतिक कारणले पाँच गैंडा मरेका छन् भने यो सहित ६ वटा गैंडा मरेका छन् । घटना लगत्तै निकुञ्जले सुरक्षामा थप कडाई गरेको हो ।
पछिल्लो गणना अनुसार नेपालमा ७५२ गैंडा रहेका छन् भने ती मध्ये चितवन राष्ट्रिय निकुञ्जमा मात्रै ६९४ गैंडा रहेका छन् ।
चितवन, ३१ साउन । चितवन राष्ट्रिय निकुञ्जमा दुर्लभ एकसिंगे गैंडा तस्करले मारेका छन् । निकुञ्जको माडी बगई सेक्टर अन्तर्गत घाँघरको बाटुलिचौरमा खाग काटिएको अवस्थामा मृत गैंडा फेला परेको हो ।
साउन ११ गते मृत गैंडा फेला परेको भए पनि हालसम्म गोप्य नै राखिएको थियो । निकुञ्जका प्रमुख संरक्षण अधिकृत अणनाथ बरालले खाग काटिएको अवस्थामा अन्दाजी २० वर्षको गैंडा मृत फेला परेको जानकारी दिनुभयो । बरालका अनुसार गैंडा हिलोमा गडेका कारण हड्डी मात्रै भेटिएको छ । कम्तीमा दुई महिना अघि गैंडा मरेको हुन सक्ने आशंका गरिएको छ । खाग काटिएको र टाउकोको हड्डीमा गोलि लागेको जस्तो चोट देखिएको छ ।
नेपाली सेना र निकुञ्जका कर्मचारीको संयुक्त गस्तीले गैंडा मृत अवस्थामा फेला पारेको हो । त्यस लगत्तै घटननाको अनुसन्धान अघि बढाईएको छ । उहाँले अनुसन्धान अघि बढेको र तस्कर नजिक पुगेको बताउनुभयो । गैंडा कुहिएकाले लिंग पहिचान हुन सकेको छैन । घटना लगत्तै कारागारबाट छुटेका र अन्य शंकास्पदमाथि अनुसन्धान थालिएको छ ।
निकुञ्जमा गत आर्थिक वर्षमा निकुञ्जमा चार वटा गैंडा चोरीशिकारीले मारेको निकुञ्जका सूचना अधिकारी लोकेन्द्र अधिकारीले जानकारी दिनुभयो । गत आवमा प्राकृतिक कारणले २८ वटा गैंडा मरेका थिए । चालु आर्थिक वर्षको साउनमा मात्रै प्राकृतिक कारणले पाँच गैंडा मरेका छन् भने यो सहित ६ वटा गैंडा मरेका छन् । घटना लगत्तै निकुञ्जले सुरक्षामा थप कडाई गरेको हो ।
पछिल्लो गणना अनुसार नेपालमा ७५२ गैंडा रहेका छन् भने ती मध्ये चितवन राष्ट्रिय निकुञ्जमा मात्रै ६९४ गैंडा रहेका छन् ।
(फाईल तस्वीर)