गोली हानी सेनाका हवल्दारको हत्या गरेको आरोपमा एक जना पक्राउ

चितवन,८ साउन । गोली हानी हत्या गरेको आरोपमा प्रहरीले एक जनालाई पक्राउ गरेको छ ।

भरतपुर महानगरपालिका वडा नम्बर १७ मानसिङ् चोक नजिकै रहेको सिमडाँडा खेतको नहरमा बिहिबार बिहान एक युवक मृत अबस्थामा फेला परेका थिए । उनको टाउँकोमा गोली लागेको र नजिकै खोका समेत भेटिएको थियो ।

सोही घटनामा संलङ्न रहेको आरोपमा प्रहरीले एक जना पक्राउ गरेको प्रहरी स्रोतले जनाएको छ । गोली लागि मृत्यु भएका युवक धादिङ्को निलकण्ठ नगरपालिका घर भई नेपाली सेनाको महेन्द्रदल गण राष्ट्रिय निकुञ्ज टोखामा कार्यरत हवल्दार ३६ वर्षिय भरत गुरुङ् रहेका थिए ।

उनको दाहिने कामनमा र दोस्रो कानको माथिपट्टी भागमा चोट देखिएको छ ।घटना स्थलबाट बरामत गरिएको गोलिको खोका सहित पक्राउ परेका व्यक्तिलाई प्रहरीले आजनै पत्रकार सम्मेलन गर्ने तयारी गरेको छ । घटना जग्गा किनबेचको बिषयमा बिबाद हुँदा भएको जनाईएको छ ।