चितवनमा निषेधाज्ञा एक साताका लागि थपियो

चितवन,७ साउन । स्थानिय प्रशासनले कोरोना सङ्क्रमण फैलन नदिनका लागि लगाएको निषेधाज्ञा एक साताका लागि थप गरेको छ । प्रमुख जिल्ला अधिकारी प्रेमलाल लामिछानेले आज एक आदेश जारि गर्दै निषेधाज्ञा थप एक साताका लागि लम्बाईएको जानकारी दिनुभएको हो ।

आज राती १२ वजे सकिन लागेको निषेधाज्ञाको समय थप गरि साउन १४ गते सम्म पुयाईएको हो । निषेधाज्ञा केही खुकुलो गरिएको भए वनि नयाँ भेरियन्ट (डेल्टा भेरियन्ट) समेत पुष्टि भएकाले थप एक साता निषेधाज्ञा कायम गरिएको आदेशमा उल्लेख छ ।

निषेधाज्ञामा भौतिक रुपमा उपस्थित भई गरिने सबै सभा, सम्मेलन, सेमिनार, जात्रा, महोत्सब, सिनेमा हल, पार्टी प्यालेस, हेल्थ क्लब, दोहोरी रेष्टुरेन्ट, फनपार्क, फुटसल, फिटनेस सेन्टर, जिमखाना, स्पा, स्वीमिङपुल, व्युटीपार्लर तथा सैलुनहरु सञ्चालन गर्न नपाईने जनाईएको छ । यस्तै विश्वविद्यालय, क्याम्पस,बिद्यालय लगाएतका सबै शैक्षिक संस्थाहरुमा भौतिक भौतिक उपस्थित भई हुने पठन–पाठन लगायतका शैक्षिक गतिबिधि, मठ, मन्दिर, मस्जिद, गुम्बा, तथा चर्च लगायतका धार्मिक स्थलहरुमा दैनिक नित्य पूजा बाहेक अन्य जमघट गर्न नपाईने आदेशमा जनाईएको छ ।