गोलीको खोका सहित भरतपुर महानगरमा एक जना मृत अबस्थामा फेला

चितवन,७ साउन । भरतपुर महानगरपालिका-१७ शारदानगरमा एक पुरुष मृत अबस्थामा फेला परेका छन् ।  वस्तीबाट करिब ३ सय मिटर परको सिमलडाँडा नहरमा शव भेटिएको हो ।

भरतपुर महानगरपालिका वडा नम्वर १७ मा पर्ने सो स्थानमा अन्दाजी ३० वर्षिय ती युवाको शवको नजिक गोलीका खोका भेटिएको जिल्ला प्रहरी कार्यालय चितवनले जनाएको छ । स्थानीयले हत्या गरेर नहरमा शव फालिएको हुनसक्ने आशंका गरेका छन् ।

घटना स्थलमा कार्यालयका प्रहरी नायव उपरिक्षक सहितको टोली खटिएको छ । घटनाको अनुसन्धान भईरहेको प्रहरीले जनाएको छ । बिस्तृत बिबरण आउन बाँकी रहेको छ ।