प्रमुख प्रतिपक्षी दलका नेता उपस्थित नहुन दुखद भयोः देउवा

काठमाडौ, ३ साउन । प्रधानमन्त्री शेरबहादुर देउवाले विश्वासको मत दिने प्रतिबद्धता जनाउने दलप्रति धन्यवाद दिनुभएको छ । आज प्रतिनिधिसभाको बैठकमा विश्वासको मत लिने क्रममा उहाँले भन्नुभयो, ‘मलाई विश्वासको मत दिने प्रतिबद्धता दिने पार्टी र साथीहरुप्रति धन्यवाद दिन्छु ।’

देउवाले प्रमुख प्रतिपक्षी दल एमालेका नेता केपी शर्मा ओलीको संसदमा अनुपस्थित भएको भन्दै गुनासो गर्नुभयो । उहाँले भन्नुभयो, ‘प्रधानमन्त्रीले सदनमा बोल्दा प्रतिपक्षी दलको नेताले सुन्नुपर्छ । उहाँले बोल्दा म सँधै आउँथे । तर उहाँ आउनुभएन । उहाँको स्वास्थ्य अवस्था पनि ठीक नभएको होकि रु’

प्रधानमन्त्री देउवाले सदनमा नबोलेको प्रति पनि गुनासो गर्नुभयो । ‘उहाँ राम्रो बोल्नुहुन्थ्यो । तर आज बोल्नुभएन । माननीयज्यू ९प्रदीप ज्ञवाली०ले बोल्नुभयो,’ देउवाले भन्नुभयो ।

संसद विघटन गर्ने नाममा ओलीले राष्ट्रपति विद्यादेवी भण्डारीलाई बाध्य पारेको बताउनुभयो । उहाँले भन्नुभयो, ‘दुई बजे संसद विघटन गर्ने रु राष्ट्रपति विचरा सुत्न पाउनुभएन । उहाँले बाध्य पारिदिनुभयो ।