महन्थ ठाकुरले विश्वासको मत दिने

काठमााडौंः जनता समाजवादी पार्टी (जसपा) नेपालका नेता महन्थ ठाकुरले प्रधानमन्त्री शेरबहादुर देउवालाई आफ्नो पार्टीले विश्वासको मत दिने बताउनुभएको छ । प्रतिनिधिसभामा प्रधानमन्त्री देउवाले राखेको विश्वासको मतसम्बन्धी प्रस्तावमाथिको छलफलमा भाग लिँदै उहाँले देउवा सरकारलाई विश्वासको मत दिने बताउनुभयो ।

उहाँले भन्नुभयो, ‘प्रधानमन्त्री देउवालाई हार्दिक बधाइ दिन चाहन्छु र मेरो हार्दिक शुभकामना पनि छ । उहाँले जुन प्रस्ताव राख्नु भएको छ, त्यसको समर्थनमा मत दिन्छौं ।’

उहाँले अहिले देशमा देखिएको संकट संविधानकै कारण आएको दावीसमेत गनुभयो । संविधानको कुनै पनि धारा कार्यान्वयनमा जाँदा त्यहाँ व्यवधान र अवरोध देखिने गरेको भन्दै उहाँले संविधान संशोधन हुनुपर्ने आफ्नो माग कायम रहेको बताउनुभयो ।