दुई करोड जरिवाना तोकेका प्रतिवादी पक्राउ

 चितवन, १ साउन  । जिल्ला प्रहरी कार्यालय चितवनले बैकिङ्ग कसुरमा रु २ करोड ५६ लाख जरिवाना तोकिएका फरार प्रतिबादीलाई पक्राउ गरेको छ ।

पक्राउ पर्नेमा स्थायी घर दमक नगरपालिका वडा नम्बर १६, झापा र अस्थायी ठेगाना काठमाण्डौ चन्द्रागिरी नगरपालिका वडा नम्बर १५ तीनथाना बस्दै आएका गोपाल प्रसाद ढुङगेल रहेका छन् ।

कार्यालयका प्रबक्ता प्रहरी नायव उपरिक्षक सूर्य वहादुर थापाका अनुसार उच्च अदालत पाटनले २०७७ साल चैत्र २२ गतेको फैसलाले बैकिङ कसुर मुद्दामा १५ दिन कैद र रु २ करोड ५६ लाख जरिवाना तोकेका उनलाई पक्राउ गरिएको हो ।

चितवनमा बसेको सूचनाको आधारमा खटिएको प्रहरी टोलीले निगरानी तथा खोजतलास गर्ने क्रममा उनलाई बिहिबार रत्ननगरनगरपालिका वडा नम्बर ११ जिरौनाबाट पक्राउ गरिएको थापाले जानकारी दिनुभयो । उनलाई पक्राउ गरी चितवन जिल्ला अदालत उपस्थित गराईएको प्रहरिले जनाएको छ ।