चितवनमा पछिल्लो २४ घण्टामा ११९ कोरोना संक्रमित थपिए ,६ जनाको मृत्यु

चितवन, ३१ असार । जिल्लाका बिभिन्न अस्पतालमा उपचाररत कोरोना सङ्क्रमित मध्ये छ जनाको मृत्यु भएको छ । पछिल्लो २४ घण्टामा ११९ जना नयाँ कोरोना संक्रमित थपिएका छन् ।

८९ जनामा पिसिआर तथा ३० जनामा एन्टिजेन परीक्षण गर्दा कोरोना पुष्टि भएको हो । चितवनमा कोरोना भाइरसको संक्रमणबाट मृत्यु हुनेको संख्या ३ सय नाघेको छ ।

स्वास्थ्य कार्यालय चितवनका अनुसार चितवन मेडिकल कलेजमा उपचारका क्रममा ३ जनाको मृत्यु भएको हो भने भरतपुर अस्पतालमा २ तथा पुष्पाञ्जली अस्पतालमा एक जनाको मृत्यु भएको हो ।

खैरहनीका ६, माडी र रत्ननगरका समान ११, राप्तीका ८, कालिकाका र इच्छाकामना गाउँपालिकाका एक जना रहेका छन् । यससँगै जिल्लाभर कुल संक्रमितको संख्या १७ हजार ९४७ पुगेको छ ।

संक्रमित मध्ये १६ हजार ९१ जना निको भइसकेका छन् । पछिल्लो २४ घण्टामा मात्रै ७३ जना कोरोनामुक्त भएका छन् । १ हजार ५१३ जना सक्रिय संक्रमित छन् । उनीहरु मध्ये एक हजार ३८२ जना होम आइसोलेसनमा छन् भने १०७ जना अस्पताल तथा २४ जना संस्थागत आइसोलेसनमा छन् ।