नेपालगञ्ज, ३० असार । गत केही दिनबाट मुत्युको सङ्ख्या शून्य रहँदै आएको भेरी अस्पतालमा गए राती बर्दियाका २ जना कोरोना सङ्क्रमितको उपचारका क्रममा मृत्यु भएको छ ।
कोभिड १९ व्यवस्थापन समिति बाँकेका अनुसार भेरी अस्पतालमा उपचाररत बर्दियाका २ जना कोरोना सङ्क्रमितको मङ्गलवार राती फरक फरक समयमा मृत्यु भएको हो ।
समितिले दिएको जानकारी अनुसार असार २५ गते भेरी अस्पताल भर्ना हुनुभएका बर्दिया ठाकुरबाबा ५ की ६३ वर्षीया महिलाको मङ्गलबार राती ९ः४५ मा मृत्यु भएको थियो भने २६ गते भर्ना हुनु भएका राजापुर १० बर्दियाका ६५ वर्षीय पुरुषको सोही राती ११ः३० बजे मृत्यु भएको थियो ।
सो मृत्युसँगै बाँकेमा जिल्ला बाहिरबाट उपचारका लागि आएका मध्ये मृत्यु हुनेको सङ्ख्या ३७० पुगेको कोभिड १९ व्यवस्थापन समिति बाँकेले जनाएको छ ।
भेरी अस्पतालमा गत राती दुई जना बर्दियाका सङ्क्रमितको मृत्यु भए पनि गत दुई साता यता बाँकेका कुनै पनि सङ्क्रमितको मृत्यु नभएको कोरोना फोकल पर्सन तेज ओलीले बताउनुभयो ।
बाँकेमा सङ्क्रमित भेटिने क्रम पनि दैनिक दसभन्दा कमको सङ्ख्यामा झरेको उहाँले जनाउनुभयो ।
यसैबीच जिल्ला प्रशासन कार्यालय बाँकेले स्वास्थ्य मापदण्डको पालना गर्न भौतिक दूरी कायम राखेर आआफ्नो कार्य सम्पादन गर्न पुन जिल्लावासीसँग आग्रह गरेको छ ।
बाँकेका प्रमुख जिल्ला अधिकारी तथा कोभिड १९ व्यवस्थापन समितिका संयोजक शिवराम गेलालले अझै पनि पूर्ण रुपमा कोरोना समाप्त नभएकोले सचेत हुन र स्वास्थ्य मापदण्ड पालना गर्न सबै जिल्लावासीलाई आग्रह गरिएको जनाउनुभयो ।
नेपालगञ्ज, ३० असार । गत केही दिनबाट मुत्युको सङ्ख्या शून्य रहँदै आएको भेरी अस्पतालमा गए राती बर्दियाका २ जना कोरोना सङ्क्रमितको उपचारका क्रममा मृत्यु भएको छ ।
कोभिड १९ व्यवस्थापन समिति बाँकेका अनुसार भेरी अस्पतालमा उपचाररत बर्दियाका २ जना कोरोना सङ्क्रमितको मङ्गलवार राती फरक फरक समयमा मृत्यु भएको हो ।
समितिले दिएको जानकारी अनुसार असार २५ गते भेरी अस्पताल भर्ना हुनुभएका बर्दिया ठाकुरबाबा ५ की ६३ वर्षीया महिलाको मङ्गलबार राती ९ः४५ मा मृत्यु भएको थियो भने २६ गते भर्ना हुनु भएका राजापुर १० बर्दियाका ६५ वर्षीय पुरुषको सोही राती ११ः३० बजे मृत्यु भएको थियो ।
सो मृत्युसँगै बाँकेमा जिल्ला बाहिरबाट उपचारका लागि आएका मध्ये मृत्यु हुनेको सङ्ख्या ३७० पुगेको कोभिड १९ व्यवस्थापन समिति बाँकेले जनाएको छ ।
भेरी अस्पतालमा गत राती दुई जना बर्दियाका सङ्क्रमितको मृत्यु भए पनि गत दुई साता यता बाँकेका कुनै पनि सङ्क्रमितको मृत्यु नभएको कोरोना फोकल पर्सन तेज ओलीले बताउनुभयो ।
बाँकेमा सङ्क्रमित भेटिने क्रम पनि दैनिक दसभन्दा कमको सङ्ख्यामा झरेको उहाँले जनाउनुभयो ।
यसैबीच जिल्ला प्रशासन कार्यालय बाँकेले स्वास्थ्य मापदण्डको पालना गर्न भौतिक दूरी कायम राखेर आआफ्नो कार्य सम्पादन गर्न पुन जिल्लावासीसँग आग्रह गरेको छ ।
बाँकेका प्रमुख जिल्ला अधिकारी तथा कोभिड १९ व्यवस्थापन समितिका संयोजक शिवराम गेलालले अझै पनि पूर्ण रुपमा कोरोना समाप्त नभएकोले सचेत हुन र स्वास्थ्य मापदण्ड पालना गर्न सबै जिल्लावासीलाई आग्रह गरिएको जनाउनुभयो ।