देउवा सितल निवासमा, सपथ ग्रहणमा विवाद हुँदा ढिलाई

काठमाडौं २९ असार । काँग्रेस सभापति शेरबहादुर देउवा राष्ट्रपति भवन शीतल निवासमा पुग्नु भएको छ । शीतल निवासमा पुगेर उनले शपथ विवादबारे छलफल भईरहेको छ ।

राष्ट्रपतिले प्रधानमन्त्री नियुक्त गरेको पत्रमा संविधानको कुन धारा अनुसार नियुक्त गरेको भन्नेबारे नखुलाएपछि असन्तुष्ट बनेका देउवाले छलफल थाल्नुभएको हो । उहाँले नियुक्ति नसच्चिएसम्म शपथ नलिने बताउनुभएको छ । देउवाले यसबारे मुख्यसचिवलाई बूढानीलकण्ठस्थित निवासमा समेत बोलाएर असन्तुष्टि पोख्नुभएको थियो ।
आफू नेपाली काँग्रेसको संसदीय दलको नेताको रूपमा प्रधानमन्त्री नभएको र धारा ७६ (५) अनुसार नियुक्त हुनुपर्ने देउवाको जिकिर छ ।