चितवन, २८ असार । कृषि र वनको अध्ययन, अनुसन्धान र प्रसार गर्ने मुख्य उद्देश्यका साथ ११ वर्ष अघि स्थापना भएको यहाँको कृषि तथा वन विज्ञान विश्व विद्यालयको यस आर्थिक वर्षमा विश्वविद्यालय सभा हुन सकेन । नीतिगत नयाँ निर्णयसँगै बजेट अनुमोदन गर्नुपर्ने महत्वपूर्ण मानिने विश्वविद्यालय सभा नहुनुलाई अर्थपूर्ण रुपमा लिने गरिन्छ ।
राजनीतिक खिचातानीका कारण अस्तव्यस्त बन्दै गएको विश्वविद्यालयमा लामो समयको रिक्ततापछि गत वर्ष उपकुलपति, रजिष्ट्रार, डिन र निर्देशकहरुको नियुक्त भए पनि आन्तरिक खिचातानीका कारण सहमति हुन नसकेपछि वर्षभर नै विश्वविद्यालय सभा नभई बितेको हो ।
विश्वविद्यालयका रजिष्ट्रार प्रा.डा.शारदा थपलियाले सभा हुन नसकेपछि कार्यकारीको बैठकबाट अनुमोदन गरेर खर्च गरिएको बताउनुभयो । गएको वैशाख २७ गते विश्वविद्यालय सभाको मिति तय भए पनि सो दिन प्रधानमन्त्री एवं कुलपतिले विश्वासको मत लिने दिन भएकाले सरेको भन्दै उहाँले त्यसपछि हालसम्म हुन नसकेको बताउनुभयो । कोरोना बढेर निषेधाज्ञा भएकाले पनि सभा हुन नसकेको उहाँको भनाई छ ।
विश्वविद्यालय स्थापनापछि सभा हुन नसकेको यो पहिलो भएको भन्दै उहाँले सभाले अघिल्लो वर्षको खर्च अनुमोदन र आउँदो वर्षको बजेट तथा कार्यक्रम स्वीकृत गर्ने बताउनुभयो । विश्वविद्यालयमा वार्षिक बजेट रु.६९ करोड हाराहारी हुने गर्दछ ।
विश्वविद्यालयका उपकुलपति प्रा.डा.पुण्य रेग्मी पछि सभाले स्वीकृत गर्ने गरी कार्यकारीले निर्णय गरेर बजेट खर्च गरिएको बताउनुहुन्छ । विश्वविद्यालय सभाको मुख्य जिम्मेवारी रजिष्ट्रारको हुने भए पनि उहाँको स्वास्थ्य र पारिवारिक कारणले केही समय रोकिएकोमा पछि कुलपतिको समय मिलाउन नसक्दा सभा हुन नसकेको रेग्मीको भनाई छ । आउँदो साउनमा सभा गरेर दुई वर्षको बजेट तथा कार्यक्रम एकै पटक स्वीकृत गर्ने उहाँले जानकारी दिनुभयो ।
विश्वविद्यालय सभामा कुलपति एवं अध्यक्ष प्रधानमन्त्री, सह कुलपति एवं उपाध्यक्षमा शिक्षा मन्त्री सहित उपकुलपतिदेखि निर्देशकसम्मका विश्वविद्यालयका पदाधिकारी, उद्योगी, व्यापारी, लब्धप्रतिष्ठित व्यक्तिहरु सदस्य हुने गर्दछन् । यस विश्वविद्यालयको सभामा २५ जना सदस्य रहेका छन् । उपकुलपति र रजिष्ट्रारबीचको आन्तरिक टकरावका कारण समयमा सभा हुन नसकेको विश्वविद्यालयका अन्य पदाधिकारीको भनाई छ । विश्वविद्यालयभित्रको राजनीतिक गुटबन्दी र व्यक्तिगत स्वार्थका कारण सभा हुन नसकेको वन विज्ञान संकायका डिन प्रा.डा.बलराम भट्ट बताउनुहुन्छ ।
विश्वविद्यालयका संस्थापक रजिष्ट्रार प्रा.डा.सूर्यकान्त घिमिरे वर्षभर नै सभा हुन नसक्नु लाजमर्दाे विषय भएको भन्दै सरकारले यस विश्वविद्यालयप्रति समयमै ध्यान दिन नसकेमा ठूलो नोक्सान हुन सक्ने बताउनुहुन्छ ।
चितवन, २८ असार । कृषि र वनको अध्ययन, अनुसन्धान र प्रसार गर्ने मुख्य उद्देश्यका साथ ११ वर्ष अघि स्थापना भएको यहाँको कृषि तथा वन विज्ञान विश्व विद्यालयको यस आर्थिक वर्षमा विश्वविद्यालय सभा हुन सकेन । नीतिगत नयाँ निर्णयसँगै बजेट अनुमोदन गर्नुपर्ने महत्वपूर्ण मानिने विश्वविद्यालय सभा नहुनुलाई अर्थपूर्ण रुपमा लिने गरिन्छ ।
राजनीतिक खिचातानीका कारण अस्तव्यस्त बन्दै गएको विश्वविद्यालयमा लामो समयको रिक्ततापछि गत वर्ष उपकुलपति, रजिष्ट्रार, डिन र निर्देशकहरुको नियुक्त भए पनि आन्तरिक खिचातानीका कारण सहमति हुन नसकेपछि वर्षभर नै विश्वविद्यालय सभा नभई बितेको हो ।
विश्वविद्यालयका रजिष्ट्रार प्रा.डा.शारदा थपलियाले सभा हुन नसकेपछि कार्यकारीको बैठकबाट अनुमोदन गरेर खर्च गरिएको बताउनुभयो । गएको वैशाख २७ गते विश्वविद्यालय सभाको मिति तय भए पनि सो दिन प्रधानमन्त्री एवं कुलपतिले विश्वासको मत लिने दिन भएकाले सरेको भन्दै उहाँले त्यसपछि हालसम्म हुन नसकेको बताउनुभयो । कोरोना बढेर निषेधाज्ञा भएकाले पनि सभा हुन नसकेको उहाँको भनाई छ ।
विश्वविद्यालय स्थापनापछि सभा हुन नसकेको यो पहिलो भएको भन्दै उहाँले सभाले अघिल्लो वर्षको खर्च अनुमोदन र आउँदो वर्षको बजेट तथा कार्यक्रम स्वीकृत गर्ने बताउनुभयो । विश्वविद्यालयमा वार्षिक बजेट रु.६९ करोड हाराहारी हुने गर्दछ ।
विश्वविद्यालयका उपकुलपति प्रा.डा.पुण्य रेग्मी पछि सभाले स्वीकृत गर्ने गरी कार्यकारीले निर्णय गरेर बजेट खर्च गरिएको बताउनुहुन्छ । विश्वविद्यालय सभाको मुख्य जिम्मेवारी रजिष्ट्रारको हुने भए पनि उहाँको स्वास्थ्य र पारिवारिक कारणले केही समय रोकिएकोमा पछि कुलपतिको समय मिलाउन नसक्दा सभा हुन नसकेको रेग्मीको भनाई छ । आउँदो साउनमा सभा गरेर दुई वर्षको बजेट तथा कार्यक्रम एकै पटक स्वीकृत गर्ने उहाँले जानकारी दिनुभयो ।
विश्वविद्यालय सभामा कुलपति एवं अध्यक्ष प्रधानमन्त्री, सह कुलपति एवं उपाध्यक्षमा शिक्षा मन्त्री सहित उपकुलपतिदेखि निर्देशकसम्मका विश्वविद्यालयका पदाधिकारी, उद्योगी, व्यापारी, लब्धप्रतिष्ठित व्यक्तिहरु सदस्य हुने गर्दछन् । यस विश्वविद्यालयको सभामा २५ जना सदस्य रहेका छन् । उपकुलपति र रजिष्ट्रारबीचको आन्तरिक टकरावका कारण समयमा सभा हुन नसकेको विश्वविद्यालयका अन्य पदाधिकारीको भनाई छ । विश्वविद्यालयभित्रको राजनीतिक गुटबन्दी र व्यक्तिगत स्वार्थका कारण सभा हुन नसकेको वन विज्ञान संकायका डिन प्रा.डा.बलराम भट्ट बताउनुहुन्छ ।
विश्वविद्यालयका संस्थापक रजिष्ट्रार प्रा.डा.सूर्यकान्त घिमिरे वर्षभर नै सभा हुन नसक्नु लाजमर्दाे विषय भएको भन्दै सरकारले यस विश्वविद्यालयप्रति समयमै ध्यान दिन नसकेमा ठूलो नोक्सान हुन सक्ने बताउनुहुन्छ ।