भुन्टि आवास निर्माणको कार्य अन्तिम चरणमा,साता दिनमा हस्तान्तरण गर्ने तयारी

रविन देवकोटा

चितवन,२२ जेठ । भरतपुर १५ श्रीपुरमा निर्माण भइरहेको असहाय,अशक्त, र आर्थिक रुपमा निकै नै कमजोर हुनु भएको मानबहादुर नेपाली र भुन्टी नेपालीको आवास निर्माण कार्य अन्तिम चरणमा पुगेको छ। हेल्पिङ्ग हयाण्डस ग्रुपको अभियानमा निर्माण भइरहेको उक्त भुन्टी आवासको करिब ९०% काम सम्पन्न भइसकेको छ।

यो साता भित्र भुन्टि आवास निर्माण सम्पन्न भइ हस्तान्तरण गर्ने योजना रहेको यसै आवास निर्माणका लागि बनेको तटस्थ समितिका सचिव अनिल बानियाले बताउनुभयो।

यस आवास निर्माणमा आजका दिनसम्म हरेक तबरबाट साथ,सहयोग गर्नुहुने सम्पूर्ण सहयोगी दाताहरुलाई धन्यवाद व्यक्त गर्दै निरन्तर देश बिदेशबाट हामीलाई हौशला, सल्लाह सुझाव र प्रतिक्रिया दिएर यो अभियानलाइ उर्जाप्रदान गर्नुहुने सबैमा यसै अभियानका संयोजक किशोर गुरुङले आभार व्यक्त गर्नुभयो।