नेपालमा नयाँ भेरिएन्ट भेटिएको भन्ने विदेशी मिडियाको दाबी गलत : स्वास्थ्य मन्त्रालय

काठमाडौं,२० जेठ । स्वास्थ्य मन्त्रालयले अन्तर्राष्ट्रिय संचारमाध्यममा नेपालमा कोरोनाभाइरसको नयाँ प्रजाति भेटिएको भन्ने प्रकाशित समाचारप्रति गम्भिर ध्यानाकर्षण भएको जनाएको छ ।

विहिबार विज्ञप्ति जारी गर्दै मन्त्रालयले अहिलेसम्म नेपालमा अल्फा, डेल्टा, गामा र कप्पा नामक भेरिएन्ट भेटिएको बताउँदै नयाँ भेटिएको भन्ने खबर पूर्णतः गलत रहेको बताएको छ ।

प्रवक्ता कृष्णप्रसाद पौडेलद्वारा जारी वक्तव्यमा नेपालमा भेरिएन्ट अफ कन्सर्नमा अल्फा र डेल्टा मात्र रहेको उल्लेख छ । मन्त्रालयले आधिकारिक सूचना नआइकन भ्रामक सूचना सम्पे्रषण नगर्न र जिम्मेबार बन्न सचेत गराएको छ ।