भारतमा २८ सयको मुत्यु, १ लाख ३४ हजार संक्रमित थपिए

दिल्ली,२० जेठ । भारतमा कोरोनाभाइरस संक्रमणका कारण पछिल्लो २४ घण्टामा २ हजार ८ सय ८७ जनाको मृत्यु भएको छ । गत २४ घण्टामा १ लाख ३४ हजार १ सय ५४ जना नयाँ संक्रमित थपिएका छन् भने २लाख ११ हजार ४ सय जना डिस्चार्ज भएका छन् ।

मन्त्रालयका अनुसार भारतमा पछिल्ला केही दिनदेखि संक्रमितको संख्यामा निकै कमी आएको छ । अहिलेसम्म २ करोड ८४ लाख भन्दा बढी संक्रमित छन् भने २ करोड ६३ लाख भन्दा बढी संक्रमणमुक्त भएका छन् ।

भारतमा अहिलेसम्म कुल ३ लाख ३७ हजार ९ सय ८९ जनाले ज्यान गुमाइसकेका छन् भने हाल १७ लाख १३ हजार ४ सय १३ जना संक्रिय संक्रमित रहेको स्वास्थ्य मन्त्रालयले जनाएको छ ।