आइपिएलको १४ औं सिजन सुरु हुन ५ दिनमात्र बाँकी रहँदा खेलाडीसहित २० जना संक्रमित

काठमाडौं, २२ चैत । आइपिएलको १४ औं सिजन सुरु हुन ५ दिनमात्र बाँकी रहँदा खेलाडीसहित २० जना संक्रमित पाइएका छन् ।पछिल्लो पटक भारतीय राष्ट्रिय टिमका कप्तान विराट कोहली नेतृत्वको रोयल च्यालेन्जर्स बैंगलोरका ओपनर देवदत्त पडिक्कल संक्रमित पाइएका छन्। उनि प्रतियोगिता सुरु हुनै लाग्दा संक्रमित भएका तेस्रो खेलाडी हुन् । पडिक्कल क्वारेन्टाइनमा छन् ।

यसअघि दिल्ली क्यापिटल्सका अलराउण्डर अक्षर पटेल र कोलकाता नाइटराइडर्सका नितिश राणा पनि संक्रमित पाइएका थिए । अहिलेसम्म स्टाफ र खेलाडी गरेर कूल २० जना संक्रमित भइसकेका छन् ।

शनिबार मुम्बइको वानखेडे स्टेडियममा १० स्टाफ र ६ इभेन्ट म्यानेजरको रिपोर्ट पोजेटिभ आएको थियो । चेन्नइ सुपरकिंग्सको कन्टेन्ट टिमका एक सदस्य पनि संक्रमित पाइएका छन् । आइपिएलको यो सिजनको पहिलो खेल नै बैंगलोरले मुम्बइसँग खेल्नुपर्नेछ ।