शुरु भयो चितवन प्रिमियर लिग, सुपर ओभरमा भरतपुरको जित
न्युजभित्तो/१७ माघ २०७६, शुक्रबार २२:१५
चितवन । पहिलो संस्करणको सीएमसी चितवन प्रिमियर लिग (सीपीएल) टि २० क्रिकेट प्रतियोगिता शुक्रबारदेखि शुरु भएको छ । नारायणगढको क्याम्पा चौरमा शुरु भएको प्रतियोगिताको राष्ट्रिय खेलकुद परिषद्का सदस्य सचिव रमेशकुमार सिलवालले उद्घाटन गर्नुभयो ।
प्रतियोगिताको उद्घाटन गर्दै सदस्य सचिव सिलवालले चितवनलाई खेलकुदको केन्द्रको रुपमा विकास गर्नुपर्ने बताउनुभयो । यहाँ प्रशस्तै स्रोत, साधन र खेलकुदलाई माया गर्ने व्यक्तिहरु भएकाले चितवनलाई खेलकुद केन्द्र बनाउन कुनै समस्या नहुने उहाँको भनाई थियो । ‘चितवन राष्ट्रिय तथा अन्तरराष्ट्रिय खेलकुदको केन्द्र बन्नुपछ’ सिलवालले भन्नुभयो, ‘यहाँ खेलकुदलाई माया गर्ने व्यक्तिहरु हुनुहुन्छ । खेलकुदलाई माया गर्ने व्यक्तिहरुले विभिन्न संघ संस्थाको नेतृत्व गरिरहनु भएको छ । त्यसैले कुनै समस्या नै छैन ।’
सदस्य सचिव सिलवालले चितवन प्रिमियर लिगले चितवनको क्रिकेट विकासमा सहयोग पुग्नेमा आफु ढुक्क रहेको बताउनुभयो । सीपीएल चितवनको क्रिकेट क्षेत्रको विकासको सुरुवात भएको भन्दै उहाँले सफलताको कामना गर्नुभयो । चितवन सन्दीप लामिछाने जस्तो राष्ट्रले गौरव गर्ने खेलाडी उत्पादन गरेको जिल्ला भएको भन्दै सीपीएलले आगामी दिनमा अझै धेरै सन्दीप जस्तो खेलाडी उत्पादन गर्न महत्वपूर्ण भूमिका खेल्ने उहाँको भनाई थियो ।
उहाँले आगामी दिनमा यसलाई प्रदेश हुँदै राष्ट्रिय स्तरकै उत्कृष्ट प्रतियोगिताको रुपमा स्थापित गर्न सुझाव दिनुभयो । ‘यसपालि तपाईंहरुले सुरुवात गर्नु भएको छ’ उहाँले भन्नुभयो, ‘आगामी दिनमा यसलाई क्रमशः प्रदेश हुँदै राष्ट्रिय स्तरमा लैजानुस् ।’
भरतपुरको विजयी सुरुवात पहिलो संस्करणको सीएमसी चितवन प्रिमियर लिगमा भरतपुर गुर्खाजले विजयी सुरुवात गरेको छ । आज भएको उद्घाटन खेलमा भरतपुरले इच्छाकामना वारीयर्सलाई सुपर ओभरमा पराजित गरेको हो ।
भरतपुरले दिएको ११५ रनको लक्ष्य पछ्याउदै जवाफी ब्याटिङ गरेको इच्छाकामना ११४ रनमा अल आउट भएपछी खेल सुपर ओभरमा गएको हो । त्यसअघि टस जितेर पहिलो ब्याटिङ गरेको भरतपुरले २० ओभरमा ११४ रन बनाएको थियो । खेलको म्यान अफ दि म्याच ३ विकेट लिएका भरतपुरका कृजन गुरुङ घोषित भए ।
प्रतियोगिता अन्तर्गत शनिबार पनि एक खेल हुनेछ । शनिबार मध्यान्ह १२ बजे हुने खेलमा माडी टाइगर्स र सौराहा स्याण्ड्स भिड्ने आयोजक नारायणी एड्भर्टाइजिङका प्रवन्ध निर्देशक राजु चौधरीले जानकारी दिनुभयो ।
२५ गतेसम्म चल्ने प्रतियोगितामा चितवनका पाँच टिमहरु भरतपुर गुर्खाज, सौराहा स्याण्ड्स, राप्ती ¥यापिडस, माडी टाइगर्स र इच्छाकामना वारियर्सको सहभागिता रहेको छ । प्रतियोगितामा सहभागी टिमले दुई जना राष्ट्रिय खेलाडी (अन्डर १९) अनिवार्य र तीन जना स्थानीय खेलाडी अनिवार्य राख्नुपर्नेछ । प्रतियोगिताको विजेताले रु दुई लाखसहित ट्रफी प्राप्त गर्नेछ भने उपविजेताले रु एक लाखमा चित्त बुझाउनेछ ।
यस्तै विभिन्न विधामा उत्कृष्ट हुने खेलाडीहरुले पनि पुरस्कार प्राप्त गर्नेछन् । प्रतियोगिताको उत्कृष्ट खेलाडी, उत्कृष्ट बलर, उत्कृष्ट ब्याट्सम्यान र उत्कृष्ट अलराउण्डरले पनि पुरस्कार प्राप्त गर्नेछन् । यस्तै हरेक दिनको म्यान अफ दि म्याचले ट्रफी प्राप्त गर्नेछ ।
प्रतियोगिताका उत्कृष्ट तीन खेलाडीलाई नेपालकै सबैभन्दा ठूलो व्यावसायिक लिग एभरेष्ट प्रिमियर लिग (इपीएल)को टिम चितवन टाइगर्सबाट खेल्न पाउने व्यवस्था मिलाइएको आयोजकले जनाएको छ । चितवन क्रिकेट संघ सह आयोजक रहेको यस किसिमको लिग चितवनमै पहिलो पटक आयोजना भएको हो ।
चितवन । पहिलो संस्करणको सीएमसी चितवन प्रिमियर लिग (सीपीएल) टि २० क्रिकेट प्रतियोगिता शुक्रबारदेखि शुरु भएको छ । नारायणगढको क्याम्पा चौरमा शुरु भएको प्रतियोगिताको राष्ट्रिय खेलकुद परिषद्का सदस्य सचिव रमेशकुमार सिलवालले उद्घाटन गर्नुभयो ।
प्रतियोगिताको उद्घाटन गर्दै सदस्य सचिव सिलवालले चितवनलाई खेलकुदको केन्द्रको रुपमा विकास गर्नुपर्ने बताउनुभयो । यहाँ प्रशस्तै स्रोत, साधन र खेलकुदलाई माया गर्ने व्यक्तिहरु भएकाले चितवनलाई खेलकुद केन्द्र बनाउन कुनै समस्या नहुने उहाँको भनाई थियो । ‘चितवन राष्ट्रिय तथा अन्तरराष्ट्रिय खेलकुदको केन्द्र बन्नुपछ’ सिलवालले भन्नुभयो, ‘यहाँ खेलकुदलाई माया गर्ने व्यक्तिहरु हुनुहुन्छ । खेलकुदलाई माया गर्ने व्यक्तिहरुले विभिन्न संघ संस्थाको नेतृत्व गरिरहनु भएको छ । त्यसैले कुनै समस्या नै छैन ।’
सदस्य सचिव सिलवालले चितवन प्रिमियर लिगले चितवनको क्रिकेट विकासमा सहयोग पुग्नेमा आफु ढुक्क रहेको बताउनुभयो । सीपीएल चितवनको क्रिकेट क्षेत्रको विकासको सुरुवात भएको भन्दै उहाँले सफलताको कामना गर्नुभयो । चितवन सन्दीप लामिछाने जस्तो राष्ट्रले गौरव गर्ने खेलाडी उत्पादन गरेको जिल्ला भएको भन्दै सीपीएलले आगामी दिनमा अझै धेरै सन्दीप जस्तो खेलाडी उत्पादन गर्न महत्वपूर्ण भूमिका खेल्ने उहाँको भनाई थियो ।
उहाँले आगामी दिनमा यसलाई प्रदेश हुँदै राष्ट्रिय स्तरकै उत्कृष्ट प्रतियोगिताको रुपमा स्थापित गर्न सुझाव दिनुभयो । ‘यसपालि तपाईंहरुले सुरुवात गर्नु भएको छ’ उहाँले भन्नुभयो, ‘आगामी दिनमा यसलाई क्रमशः प्रदेश हुँदै राष्ट्रिय स्तरमा लैजानुस् ।’
भरतपुरको विजयी सुरुवात
पहिलो संस्करणको सीएमसी चितवन प्रिमियर लिगमा भरतपुर गुर्खाजले विजयी सुरुवात गरेको छ । आज भएको उद्घाटन खेलमा भरतपुरले इच्छाकामना वारीयर्सलाई सुपर ओभरमा पराजित गरेको हो ।
भरतपुरले दिएको ११५ रनको लक्ष्य पछ्याउदै जवाफी ब्याटिङ गरेको इच्छाकामना ११४ रनमा अल आउट भएपछी खेल सुपर ओभरमा गएको हो ।
त्यसअघि टस जितेर पहिलो ब्याटिङ गरेको भरतपुरले २० ओभरमा ११४ रन बनाएको थियो । खेलको म्यान अफ दि म्याच ३ विकेट लिएका भरतपुरका कृजन गुरुङ घोषित भए ।
प्रतियोगिता अन्तर्गत शनिबार पनि एक खेल हुनेछ । शनिबार मध्यान्ह १२ बजे हुने खेलमा माडी टाइगर्स र सौराहा स्याण्ड्स भिड्ने आयोजक नारायणी एड्भर्टाइजिङका प्रवन्ध निर्देशक राजु चौधरीले जानकारी दिनुभयो ।
२५ गतेसम्म चल्ने प्रतियोगितामा चितवनका पाँच टिमहरु भरतपुर गुर्खाज, सौराहा स्याण्ड्स, राप्ती ¥यापिडस, माडी टाइगर्स र इच्छाकामना वारियर्सको सहभागिता रहेको छ । प्रतियोगितामा सहभागी टिमले दुई जना राष्ट्रिय खेलाडी (अन्डर १९) अनिवार्य र तीन जना स्थानीय खेलाडी अनिवार्य राख्नुपर्नेछ । प्रतियोगिताको विजेताले रु दुई लाखसहित ट्रफी प्राप्त गर्नेछ भने उपविजेताले रु एक लाखमा चित्त बुझाउनेछ ।
यस्तै विभिन्न विधामा उत्कृष्ट हुने खेलाडीहरुले पनि पुरस्कार प्राप्त गर्नेछन् । प्रतियोगिताको उत्कृष्ट खेलाडी, उत्कृष्ट बलर, उत्कृष्ट ब्याट्सम्यान र उत्कृष्ट अलराउण्डरले पनि पुरस्कार प्राप्त गर्नेछन् । यस्तै हरेक दिनको म्यान अफ दि म्याचले ट्रफी प्राप्त गर्नेछ ।
प्रतियोगिताका उत्कृष्ट तीन खेलाडीलाई नेपालकै सबैभन्दा ठूलो व्यावसायिक लिग एभरेष्ट प्रिमियर लिग (इपीएल)को टिम चितवन टाइगर्सबाट खेल्न पाउने व्यवस्था मिलाइएको आयोजकले जनाएको छ । चितवन क्रिकेट संघ सह आयोजक रहेको यस किसिमको लिग चितवनमै पहिलो पटक आयोजना भएको हो ।