निर्माणाधीन गौतमबुद्ध अन्तर्राष्ट्रिय क्रिकेट रङ्गशालामा मैदानको काम शुरु
न्युजभित्तो/१२ माघ २०७६, आईतवार १०:१६
चितवन । चितवनको रामपुरमा निर्माणाधीन गौतमबुद्ध अन्तर्राष्ट्रिय क्रिकेट रङ्गशालामा मैदानको काम शुरु भएको छ । १६ लाख लिटर पानी क्षमताको सेयर वाल ड्रेनेज ढलानको काम सकेर शनिबारदेखि मैदानको काम शुरु भएको धुर्मुस सुन्तली फाउण्डेसनका अध्यक्ष सीताराम कट्टेलले जानकारी दिनुभयो । शनिबारदेखि शुरु भएको मैदानको काम ४ महिनामा सकिने उहाँले बताउनुभयो ।
‘सेयर वाल ड्रेनेज ढलानको काम सकेर हामीले मैदानको काम शुरु गरेका छौँ’ उहाँले भन्नुभयो, ‘अबको ४ महिनाभित्र मैदान निर्माण सम्पन्न गर्नेछौँ ।’ यसअघि साइट क्लियर नहुँदा समस्या भएको भन्दै उहाँले शनिबारदेखि मैदानको काम शुरु भएको बताउनुभयो ।
मैदान पुर्नका लागि आवश्यक माटोको पनि व्यवस्था भईसकेकोले अब काम रफ्तारमा अघि बढ्ने उहाँले बताउनुभयो । उहाँले भोलिदेखि पाँचवटा टिपरले माटो तान्ने र डोजरले मैदान सम्याउने काम गर्ने बताउनुभयो । माघ १९ गतेबाट शुरु हुने महायज्ञ अघि मैदानको आकार तयार भईसक्ने पनि कट्टेलले बताउनुभयो ।
यस्तै, शनिबारदेखि नै प्याराफिटको काम समेत शुरु भएको कट्टेलले जानकारी दिनुभयो । उहाँका अनुसार प्याराफिट अन्तर्गत पिलरको पीसीसी ढलानको काम शनिबार विधिवत रुपमा शुरु भएको छ । जग पहिले नै खनिसकेको र पीसीसी ढलानको काम भने शनिबारदेखि शुरु भएको उहाँले बताउनुभयो । उक्त प्याराफिट ३० हजार क्षमताको हुनेछ ।
स्रोत व्यवस्थापन भएको खण्डमा २ वर्ष भित्र रङ्शाला निर्माण सम्पन्न हुनेमा आफु ढुक्क रहेको रङ्गशाला निर्माणको नेतृत्व गरिरहेको धुर्मुस– सुन्तली फाउण्डेसनका अध्यक्ष कट्टेलले बताउनुभयो । ‘पहिले हामीले दुई वर्ष, दुई वर्ष भन्यौँ तर बीच बीचमा विविध कारणले काम रोकियो’ उहाँले भन्नुभयो, ‘तर आज म भन्छु, स्रोत व्यवस्थापन भएको खण्डमा आजको मितिबाट दुई वर्षभित्र रङ्गशाला ठडिन्छ ।’
चितवन । चितवनको रामपुरमा निर्माणाधीन गौतमबुद्ध अन्तर्राष्ट्रिय क्रिकेट रङ्गशालामा मैदानको काम शुरु भएको छ । १६ लाख लिटर पानी क्षमताको सेयर वाल ड्रेनेज ढलानको काम सकेर शनिबारदेखि मैदानको काम शुरु भएको धुर्मुस सुन्तली फाउण्डेसनका अध्यक्ष सीताराम कट्टेलले जानकारी दिनुभयो । शनिबारदेखि शुरु भएको मैदानको काम ४ महिनामा सकिने उहाँले बताउनुभयो ।
‘सेयर वाल ड्रेनेज ढलानको काम सकेर हामीले मैदानको काम शुरु गरेका छौँ’ उहाँले भन्नुभयो, ‘अबको ४ महिनाभित्र मैदान निर्माण सम्पन्न गर्नेछौँ ।’ यसअघि साइट क्लियर नहुँदा समस्या भएको भन्दै उहाँले शनिबारदेखि मैदानको काम शुरु भएको बताउनुभयो ।
मैदान पुर्नका लागि आवश्यक माटोको पनि व्यवस्था भईसकेकोले अब काम रफ्तारमा अघि बढ्ने उहाँले बताउनुभयो । उहाँले भोलिदेखि पाँचवटा टिपरले माटो तान्ने र डोजरले मैदान सम्याउने काम गर्ने बताउनुभयो । माघ १९ गतेबाट शुरु हुने महायज्ञ अघि मैदानको आकार तयार भईसक्ने पनि कट्टेलले बताउनुभयो ।
यस्तै, शनिबारदेखि नै प्याराफिटको काम समेत शुरु भएको कट्टेलले जानकारी दिनुभयो । उहाँका अनुसार प्याराफिट अन्तर्गत पिलरको पीसीसी ढलानको काम शनिबार विधिवत रुपमा शुरु भएको छ । जग पहिले नै खनिसकेको र पीसीसी ढलानको काम भने शनिबारदेखि शुरु भएको उहाँले बताउनुभयो । उक्त प्याराफिट ३० हजार क्षमताको हुनेछ ।
स्रोत व्यवस्थापन भएको खण्डमा २ वर्ष भित्र रङ्शाला निर्माण सम्पन्न हुनेमा आफु ढुक्क रहेको रङ्गशाला निर्माणको नेतृत्व गरिरहेको धुर्मुस– सुन्तली फाउण्डेसनका अध्यक्ष कट्टेलले बताउनुभयो । ‘पहिले हामीले दुई वर्ष, दुई वर्ष भन्यौँ तर बीच बीचमा विविध कारणले काम रोकियो’ उहाँले भन्नुभयो, ‘तर आज म भन्छु, स्रोत व्यवस्थापन भएको खण्डमा आजको मितिबाट दुई वर्षभित्र रङ्गशाला ठडिन्छ ।’