सभामुखको निर्वाचनका लागि आज उम्मेदवारी दर्ता गरिदै

काठमाडौँ । प्रतिनिधिसभाको सभामुखका लागि आज उम्मेदवारी दर्ता गरिदै छ । सङ्घीय संसद् सचिवालयले सभामुख पदका लागि संसद् भवनमा आज बिहान ११ देखि २ बजेसम्म उम्मेदवारी दर्ता गर्नुपर्ने निर्वाचन कार्यतालिका सार्वजनिक गरेको छ । आजै अपराह्न साढे २ बजे उम्मेदवारको नामावली प्रकाशन गरिने छ ।

सभामुखको निर्वाचन यही माघ १२ गते आइतबार हुँदैछ । प्रतिनिधिसभाको हिजोको दोस्रो बैठकमा सभामुखको हैसियतमा रहनुभएका ज्येष्ठ सदस्य महन्थ ठाकुरले सभामुखको निर्वाचनबारे जानकारी गराउनुभएको हो । प्रतिनिधिसभाको आगामी बैठक माघ १२ गते अपरान्ह ३ बजेका लागि बोलाइएको छ ।

संघीय संसदमा बहुमत सदस्य रहेको सत्तारुढ नेपाल कम्युनिष्ट पार्टी (नेकपा) ले सभामुखमा अग्नि सापकोटालाई उठाउने निर्णय गरिसकेको छ ।