अनेरास्ववियू चितवनको संयोजकमा प्रकाश आचार्य

चितवन । नेपाल कम्युनिष्ट पार्टी (नेकपा)को भातृ सङ्गठन अखिल नेपाल राष्ट्रिय स्वतन्त्र विद्यार्थी यूनियन(अनेरास्ववियू) जिल्ला कमिटी चितवनको संयोजकमा प्रकाश आचार्य चयन हुनभएको छ । काठमाडौँमा गत पुस २७ र २८ मा बसेको एकता पछिको पहिलो बैठकले सर्वसम्मत निर्णयबाट अनेरास्ववियू चितवनको संयोजकमा आचार्य र सहसंयोजकमा वसन्त आचार्यलाई चयन गरेको हो ।

प्रकाश साविक एमाले निकटको अनेरास्ववियूका जिल्ला सचिव तथा वसन्त साविक माओवादी निकटको अनेरास्ववियु (क्रान्तिकारीका)का जिल्ला अध्यक्ष हुनुहुन्थ्यो । प्रकाश नेकपा भरतपुर महानगर वडा नम्बर ११ का वडाअध्यक्ष समेत रहनुभएको छ ।

अध्यक्ष आचार्यले भरतपुरको सप्तगण्डकी बहुमुखी क्यापसबाट विद्यार्थी राजनीति शुरु गर्नुभएको थियो । क्याम्पस कमिटी सदस्य, सचिव र अध्यक्ष भएका आचार्य विद्यार्थी राजनीतिमा कुशल र लोकप्रिय नेताका रुपमा परिचित हुनुहुन्छ । आचार्यले दुई वटा विषयमा स्नातकोत्तर गर्नुभएको छ ।