काठमडौँ । नेपाल कम्युनिस्ट पार्टी (नेकपा)ले अग्निप्रसाद सापकोटालाई प्रतिनिधि सभाको सभामुखको उम्मेदवार बनाउने निर्णय गरेको छ । पार्टीको सचिवालयको आज बसेको बैठकले स्थायी कमिटी सदस्य समेत रहेका साँसद अग्निप्रसाद सापकोटालाई सभामुखको उम्मेदवार बनाउने निर्णय गरेको हो ।
प्रधानमन्त्री निवास बालुवाटारमा बसेको नेकपाको सचिवालय बैठकले सापकोटालाई सभामुखको उम्मेदवार बनाउने निर्णय गरेको महासचिव विष्णु पौडेलले जानकारी दिनुभयो । सचिवालय बैठकअघि अध्यक्षद्वय प्रधानमन्त्री केपी शर्मा ओली र पुष्पकमल दाहाल ‘प्रचण्ड’बीच भएको छलफलमा सांसद सापकोटालाई उम्मेदवार बनाउने सहमति भएको थियो ।
दुई अध्यक्षबीच भएको सहमति अनुमोदनका लागि सचिवालयको बैठक बोलाइएको थियो । सापकोटा सिन्धुपाल्चोकका स्थायी बासिन्दा हुनुहुन्छ । यसअघि पुस २६ गते बसेको सचिवालय बैठकले उपसभामुख डा. शिवमाया तुम्बाहाम्फेलाई राजीनामा गर्न आग्रह गरेको थियो ।
को हुन् सापकोटा ? अग्निप्रसाद सापकोटा सिन्धुपाल्चोक जिल्लाको कुभिन्डेमा २०१६ साल फागुन २४ गते धनपति र तीलमाया सापकोटाको कोखबाट जन्मनुभएको थियो । पूर्व शिक्षक सापकोटाले समाजशास्त्रमा स्नातकोत्तर तहसम्म अध्ययन गर्नुभएको छ । तत्कालीन नेकपा (एमाले) र नेकपा (माओवादी केन्द्र) बीच एकता भएर बनेको नेपाल कम्युनिष्ट पार्टी (नेकपा) का स्थायी समिति सदस्य एवम् संघीय संसदको अन्तर्राष्ट्रिय सम्बन्ध समिति अन्तर्गतको उपसमितिका संयोजक समेत रहनुभएका सापकोटा तत्कालीन नेकपा (माओवादी केन्द्र) का प्रवक्ता समेत रहनुभएको थियो ।
प्रचण्डका नजिकका नेता मानिने सापकोटालाई पार्टीको प्रभावशाली नेताको रुपमा पनि हेर्ने गरिन्छ । २०३० सालमा विद्यार्थी राजनीतिबाट राजनीतिक यात्रा थाल्नुभएका सापकोटा २०५१ सालमा पार्टीको केन्द्रीय सदस्य बन्नुभएको थियो। माओवादी र सरकारबीच भएको दोस्रो वार्तामा वार्ता टोलीका सदस्य सापकोटाले १५ वर्ष सम्म शिक्षण पेशा अपनाउनुभएको थियो।
काठमडौँ । नेपाल कम्युनिस्ट पार्टी (नेकपा)ले अग्निप्रसाद सापकोटालाई प्रतिनिधि सभाको सभामुखको उम्मेदवार बनाउने निर्णय गरेको छ । पार्टीको सचिवालयको आज बसेको बैठकले स्थायी कमिटी सदस्य समेत रहेका साँसद अग्निप्रसाद सापकोटालाई सभामुखको उम्मेदवार बनाउने निर्णय गरेको हो ।
प्रधानमन्त्री निवास बालुवाटारमा बसेको नेकपाको सचिवालय बैठकले सापकोटालाई सभामुखको उम्मेदवार बनाउने निर्णय गरेको महासचिव विष्णु पौडेलले जानकारी दिनुभयो । सचिवालय बैठकअघि अध्यक्षद्वय प्रधानमन्त्री केपी शर्मा ओली र पुष्पकमल दाहाल ‘प्रचण्ड’बीच भएको छलफलमा सांसद सापकोटालाई उम्मेदवार बनाउने सहमति भएको थियो ।
दुई अध्यक्षबीच भएको सहमति अनुमोदनका लागि सचिवालयको बैठक बोलाइएको थियो । सापकोटा सिन्धुपाल्चोकका स्थायी बासिन्दा हुनुहुन्छ । यसअघि पुस २६ गते बसेको सचिवालय बैठकले उपसभामुख डा. शिवमाया तुम्बाहाम्फेलाई राजीनामा गर्न आग्रह गरेको थियो ।
को हुन् सापकोटा ?
अग्निप्रसाद सापकोटा सिन्धुपाल्चोक जिल्लाको कुभिन्डेमा २०१६ साल फागुन २४ गते धनपति र तीलमाया सापकोटाको कोखबाट जन्मनुभएको थियो । पूर्व शिक्षक सापकोटाले समाजशास्त्रमा स्नातकोत्तर तहसम्म अध्ययन गर्नुभएको छ । तत्कालीन नेकपा (एमाले) र नेकपा (माओवादी केन्द्र) बीच एकता भएर बनेको नेपाल कम्युनिष्ट पार्टी (नेकपा) का स्थायी समिति सदस्य एवम् संघीय संसदको अन्तर्राष्ट्रिय सम्बन्ध समिति अन्तर्गतको उपसमितिका संयोजक समेत रहनुभएका सापकोटा तत्कालीन नेकपा (माओवादी केन्द्र) का प्रवक्ता समेत रहनुभएको थियो ।
प्रचण्डका नजिकका नेता मानिने सापकोटालाई पार्टीको प्रभावशाली नेताको रुपमा पनि हेर्ने गरिन्छ । २०३० सालमा विद्यार्थी राजनीतिबाट राजनीतिक यात्रा थाल्नुभएका सापकोटा २०५१ सालमा पार्टीको केन्द्रीय सदस्य बन्नुभएको थियो। माओवादी र सरकारबीच भएको दोस्रो वार्तामा वार्ता टोलीका सदस्य सापकोटाले १५ वर्ष सम्म शिक्षण पेशा अपनाउनुभएको थियो।