काठमाडौं । साविक विजेता मनाङ मर्स्याङ्दी क्लब शहीद स्मारक ‘ए’ डिभिजन लिगको सोमबारको खेलमा तालिकाको पुछारमा रहेको फ्रेण्ड्स क्लबसँग बराबरीमै रोकिएपनि लिगको शीर्ष स्थानमै रहेको छ । एन्फा कम्प्लेक्स सातदोबाटोमा सोमबार भएको चौथो चरणको पहिलो खेलमा मनाङ फ्रेन्ड्ससँग १/१ गोलको बराबरीमा रोकिदै अंक बाँड्न बाध्य भएको हो ।
खेलमा पहिलो अग्रता भने मनाङले बनाएको थियो। खेलको ११ औं मिनेटमा रन्जन बिष्टले जगजित श्रेष्ठको कर्नरमा हेडमार्फत गोल गर्दै मनाङलाई अग्रता दिलाएका थिए । दोस्रो हाफको ६४ औं मिनेटमा भारतीय खेलाडी उत्तम राईले फ्रेण्ड्सका लागि बराबरी गोल फर्काएका थिए । यो सिजन लगातार ३ खेल जित्दै उत्कृष्ट शुरुवात गरेको मनाङको यो पहिलो बराबरी हो ।
सोमबार फ्रेन्ड्ससँग बराबरी खेलेपनि मनाङ लिगको शीर्ष स्थानमा उक्लिएको छ । समान खेलबाट १० अंक जोडेको मनाङले मछिन्द्र क्लबलाई १ अंकले पछि पार्दै शीर्ष स्थानमा उक्लिएको हो । चौथो चरणको पहिलो खेल खेलिसकेको मछिन्द्रको पनि ९ अंक छ । यसअघि लगातार ३ खेल हारेको फ्रेन्ड्सको भने जारि लिगमा यो पहिलो अंक हो । ४ खेलमा १ अंक जोडेको फ्रेन्ड्स लिगको १३ औं स्थानमा छ ।
काठमाडौं । साविक विजेता मनाङ मर्स्याङ्दी क्लब शहीद स्मारक ‘ए’ डिभिजन लिगको सोमबारको खेलमा तालिकाको पुछारमा रहेको फ्रेण्ड्स क्लबसँग बराबरीमै रोकिएपनि लिगको शीर्ष स्थानमै रहेको छ । एन्फा कम्प्लेक्स सातदोबाटोमा सोमबार भएको चौथो चरणको पहिलो खेलमा मनाङ फ्रेन्ड्ससँग १/१ गोलको बराबरीमा रोकिदै अंक बाँड्न बाध्य भएको हो ।
खेलमा पहिलो अग्रता भने मनाङले बनाएको थियो। खेलको ११ औं मिनेटमा रन्जन बिष्टले जगजित श्रेष्ठको कर्नरमा हेडमार्फत गोल गर्दै मनाङलाई अग्रता दिलाएका थिए । दोस्रो हाफको ६४ औं मिनेटमा भारतीय खेलाडी उत्तम राईले फ्रेण्ड्सका लागि बराबरी गोल फर्काएका थिए । यो सिजन लगातार ३ खेल जित्दै उत्कृष्ट शुरुवात गरेको मनाङको यो पहिलो बराबरी हो ।
सोमबार फ्रेन्ड्ससँग बराबरी खेलेपनि मनाङ लिगको शीर्ष स्थानमा उक्लिएको छ । समान खेलबाट १० अंक जोडेको मनाङले मछिन्द्र क्लबलाई १ अंकले पछि पार्दै शीर्ष स्थानमा उक्लिएको हो । चौथो चरणको पहिलो खेल खेलिसकेको मछिन्द्रको पनि ९ अंक छ । यसअघि लगातार ३ खेल हारेको फ्रेन्ड्सको भने जारि लिगमा यो पहिलो अंक हो । ४ खेलमा १ अंक जोडेको फ्रेन्ड्स लिगको १३ औं स्थानमा छ ।