सांसद शर्माको चेतावनीः राजतन्त्र फर्किने कल्पना समेत नगर्नु

काठमाडौँ, ६ चैत । नेकपा (माओवादी केन्द्र) का सांसद जनार्दन शर्माले राजनीतिक दलहरु गणतन्त्र र जनताको जनजीविकामा सुधार गर्नुभन्दा सत्तामोह र अवसर पाउँदा असैद्धान्तिक गठबन्धन गर्ने प्रवृत्तिका कारण लोकतान्त्रिक अभ्यासमा समस्या आएको बताएका छन्।

प्रतिनिधि सभाको बुधवारको बैठकमा बोल्दै सांसद शर्माले यस्तो बताएका हुन्। उनले लोकतन्त्रको विकल्प उन्नत लोकतन्त्र भएको कारण राजतन्त्र फर्किने कल्पना नगर्न समेत चेतावनी दिए। आफूलाई राजतन्त्र फर्किने डर नभई आफ्ना कमि कमजोरी सच्याउनसक्छौं कि सक्दैनौं भन्ने डर रहेको बताए। उनले संविधान कार्यान्वयनको दोस्रो कार्यकालसम्म आइपुग्दा जन आवश्यकताअनुसार कानून बनाउन नसक्नु कसको दोष हो रु भन्दै प्रश्न गरे।