थुनछेक बहसका लागि रवि लामिछानेलाई आज काठमाडौँ अदालतमा उपस्थित गराइँदै

काठमाडौं, २९ पुस । सहकारीको रकम अपचलन प्रकरणमा राष्ट्रिय स्वतन्त्र पार्टी (रास्वपा) का सभापति तथा पूर्वउपप्रधानमन्त्री तथा गृहमन्त्री रवि लामिछानेलाई प्रहरीले आज जिल्ला अदालत काठमाडौंमा उपस्थित गराउँदै छ । यसअघि आइतबार आफैँ अदालतमा उपस्थित भएका लामिछानेलाई अदालतले प्रहरी हिरासतमा राख्न आदेश दिएको थियो ।

अदालतले प्रहरीको जिम्मा लगाएसँगै लामिछाने प्रहरी हिरासतमा छन् । लामिछानेको मुद्दा शुक्रबार जिल्ला अदालतका न्यायाधीश माधवप्रसाद अधिकारीको इजलासमा सुनुवाइ भएको थियो । अदालतले उनलाई आज बिहान १० बजे अदालतमा उपस्थित गराउन भनेको छ ।

आइतबार अदालतमा लामिछानेको बयान भएको थियो । उनको बयान सकिएसँगै आजदेखि थुनछेक बहस हुन लागेको हो । यसअघि जिल्ला अदालत कास्कीले लामिछानेलाई ६५ लाख धरौटीमा रिहा गरेको थियो । लामिछानेविरुद्ध पोखरा र काठमाडौंका साथसाथै चितवन, बुटवल तथा वीरगञ्जमा पनि मुद्दा छ ।