रोष्ट्रममै बजेट पुस्तिका च्यात्ने लिङ्देनको कदमलाई कांग्रेस सांसदको समर्थन

काठमाडौं, ४ असार । नेपाली कांग्रेसकी सांसद चन्दा चौधरीले रोष्ट्रममै बजेट पुस्तिका च्यात्ने राप्रपा अध्यक्ष राजेन्द्र लिङ्देनको कदमको समर्थन गरेकी छन् ।

मङ्गलबारको प्रतिनिधि सभा बैठकमा बोल्दै सांसद चौधरीले मन्त्रीहरूले आफ्नो निर्वाचन क्षेत्र केन्द्रित गरेर बजेट विनियोजन गरेका बताइन् ।

रोस्ट्रममा उभिएर राजेन्द्र लिङ्देनले च्याते भौतिक मन्त्रालयको बजेट विनियोजन पुस्तिका
उनले मन्त्रीहरूलाई आफ्नो निर्वाचन क्षेत्रका लागि मात्रै मन्त्री बनेको हो भनि प्रश्न गरिन् ।

लिङ्देनले पीडाका कारण भौतिक पूर्वाधार तथा यातायात मन्त्रालयको बजेट पुस्तिका च्यातेको भन्दै सो कामको समर्थन गर्ने चौधरीले बताइन् ।

बजेट पुस्तिका च्यात्नुपर्ने खालको रहेको उल्लेख गर्दै एकजनाले च्यातेपछि सबैले च्यातेजस्तो हुने पनि उनको भनाइ छ ।